×

WẼNNAAM SEBRE 2014

Yɩɩla 19

1
A Davɩɩd yɩɩlle, yɩɩlã naab yĩnga.
2
Saasẽ moonda Wẽnnaam ziirã, la sa-gãongã togsda bãmb nus tʋʋmã.
3
Daar kɩta bãmb tʋʋmã kaset ne daar a to, la yʋng wilgda bãmb tʋʋmã yʋng a to.
4
Ka ne noor goamã ye, leb n ka ne gom-biis me ye. Ned ka wʋmd bãmb koɛɛg rãamd ye.
5
Bãmb koɛɛgã pukda dũniyã gill pʋga, bãmb koɛɛgã rãamd saagda dũniyã tɛk fãa. Wẽnnaam tilga fu-roog beenẽ n kõ wĩntoogã.
6
Yibeoogo, wĩndgã pukda wa yikãad-paall sẽn yit a roogẽ, n kɩdemd wa gãndaoog sẽn be sor zug n zoetẽ.
7
Wĩndgã pukda sa-gãongã kɩreng a yembre, n gilg n tɩ kẽ kɩreng a to, la a walmã wẽeda bũmbã fãa.
8
Sẽn-Ka-Saab tõogã zemsa zãnga, la a leb n manegda vɩɩm. Sẽn-Ka-Saab kasetã yaa sɩd zãnga, n kõt ka-yam soabã yam.
9
Sẽn-Ka-Saab no-tũudsã yaa tɩrse, la b kõta sũ-noogo, Sẽn-Ka-Saab noyã yaa vẽenem, la a kɩtdame tɩ nin yãt vẽenega.
10
Sẽn-Ka-Saab zoees yaa bõn-sõngo, la a paada wakat sẽn kõn sɛ. Sẽn-Ka-Saab no-tũudsã yaa sɩda, la b fãa yaa tɩrse.
11
Bãmb tara yõod n yɩɩd sãnem halaale, b noom yɩɩda sɩɩdo, b yɩɩda sɩ-kaam sẽn yit sɩ-vãkẽ n tosdẽ.
12
Yãmb no-tũudsã keoogda mam sẽn yaa yãmb tʋmtʋmdã. Ned ning sẽn sakd bãmb paamda yõod wʋsgo.
13
Ãnda soab n tõe n bãng a tudgri? Kõ-y maam sugr m yel-wẽn nins m sẽn maan n ka bãngã yĩnga.
14
Gũ-y maam me ne wuk-m-mens rãmbã. Ra bas-y tɩ b soog maam ye! Woto, mam na n yɩɩ burkĩna tɩ beeg-kãseng ka be m zug ye.
15
Bɩ mam noorã goamã, la m sũurã tagsg ta yãmb yam. Sẽn-Ka-Saabo, yãmb yaa mam pĩiga, la m fãagda!
Mossi MPBU 2014
Moore Bible Bible Society of Burkina Faso, 2014
:
Save Notes