×

BIBELE 1951

Lipesaleme 19

1
Magodimo a re anegela bogolo bja Modimo; mediro ya diatla tša gagwe e retwa ke leratadima.
2
Letšatši le akgoletša letšatši taba; bošego bo sebelana le bošego tsebo.
3
Ga se taba, ga se mantšu, a go sa kwalego modumo wa tšona.
4
Lešika la tšona le tšwetše lefase ka moka; le kua mafelelong a lona go kwala polelo ya tšona; gomme letšatši o le hlometše ngwako go tšona.
5
Lona le etša monyadi a etšwa phapošing ya gagwe, le thabetše go sepela tsela ya lona bjalo ka mogale.
6
Le tsoga kua pheletšong ya magodimo, la a putla la sobela pheletšong ya ona; gomme ga go selo se kago efoga ge le fiša.
7
Molao wa Morena ga o na bosodi, o lapološa moya. Bohlatse bja Morena bo a botega, bo hlalefiša a se nago maano.
8
Ditaelo tša Morena di lokile, di thabiša pelo. Ditayo tša Morena di sekile, di boniša mahlo.
9
Go šia Morena ke bothakga, bo tiile neng le neng. Dikahlolo tša Morena ke therešo, ga di na mo di hlaolago.
10
Di kganyogega go fetiša digauta, le bontši bja gauta ye e tagilego; di bose go fetiša dinose le todi ya tšona.
11
Molata wa gago di a mo laya; mme ka go hlokomela tšona o bona moputsomogolo.
12
Ke mang a itemogago dikarogo? -- Ntebalele le tše ke sa di tsebego.
13
Le gona, nna molata wa gago, o nkefele maipoti, a se ke a mpuša; ke mo go nna go tlogo hlokwa bosodi, ka tseba go ila makgopo a mantši.
14
A nke o kgahlwe hlee ke polelo tša molomo wa ka, le dikeleletšo tše tša pelo ya ka, wena Morena lentswe la ka, wena Monamoledi wa ka.
Sotho Bible 1951
Bible Society of South Africa 1986
:
Boloka Lintlha