×

BIBULIYA ENTUKUVU

Zabbuli 2

1
Lwaki ab'amawanga beejuumuula, n'abantu bakola enkwe omutali nsa?
2
Bakabaka b'ensi batala, n'abafuzi bakuŋŋaana, okulwanyisa Omukama n'Omusiige we.
3
“Tukutule amasamba gaabwe; tukasuke eri enjegere zaabwe.”
4
Oyo awaŋŋamye mu ggulu yeesekera; Omukama abasekerera.
5
Awo n'ababoggolera mu busungu bwe, mu buswandi bwe n'abakanga nti:
6
“Ntaddewo kabaka wange ku Siyoni, olusozi lwange olutukuvu.”
7
Nzija kumanyisa ekirangiriro ky'Omukama: Yaŋŋamba nti: “Ggwe oli Mwana wange, olwa leero nkuzadde.
8
Nsaba, nzija kukuwa amawanga bubeere busika bwo; n'enkingi z'ensi zibeere butaka bwo.
9
Olibabetenta ne ddamula ow'ekyuma; n'obaasaayasa ng'ekibya ky'omubumbi.”
10
Kale nno, mmwe bakabaka, mugeziwale; mulabuke, mmwe abafuzi b'ensi.
11
Muweereze Omukama n'okutya; mweyale ku bigere bye nga mukankana.
12
Sikulwa ng'asunguwala ne musaanyizibwawo mu kkubo lyammwe; kubanga obusungu bwe butumbuka mangu. Beesiimye bonna abaddukira gy'ali.
Luganda Bible
BIBULIYA ENTUKUVU SECOND EDITION The Bible Society of Uganda, 2018.
:
Save Notes