×

Tedim Bible 2011

Tingtoeng 20

1
Gimna na thuak ciangin Topa in nang hong en hen la, Jakob’ Pasian in nangmah hong dal ta hen!
2
Siangtho mun panin huhna nang hong puak hen la, Zion panin nang hong panpih ta hen!
3
Na biakpiaknate khempeuh amah in hong phawk hen la, na meihal biakpiakna hong sang ta hen!
4
Na lungsim’ deihna amah in hong pia hen la, na geelna khempeuh hong tangtungsak ta hen!
5
Na gualzawhna-ah eite lungdamin awngin, i Pasian’ min tawh i lante khai ni!
6
Topa in a sathau nilh pa a huh ding tu-in ka thei ta a, ama vantung siangtho panin amah dawng ding a, a vangliatna tawh amah gualzosak ding hi.
7
Mi pawlkhat in leengte kihihsakpih a, mi pawlkhat in sakolte kihihsakpih hi. Ahih hangin eite in Topa i Pasian’ min bek i kihihsakpih hi.
8
Amaute kinawmsawmin pukgawp ding uh a, ahih hangin eite tho-in i dingtang ding hi.
9
Topa aw, kumpipa tungah gualzawhna pia inla, kong sap ciangun hong dawng in.
Chin Bible 2011
Tedim (Chin) Bible Society of Myanmar, 2011
:
Save Notes