Ika Bible 2018
|
| 1 |
| Osolobuẹ ya dodo za ị oku ogẹn nsọngbu! Ẹfan Chuku Jekọpụ ya che i nche! |
| 2 |
| Ya gha imẹ Ụlọ-nsọ a zihẹn'i eyemẹka; ya gha Ugu Zayọnụ rị Jerusalẹm kwadọn i. |
| 3 |
| Ya nyanhan oyiye i ile, ya narịn ẹjan ndị w'a dụn ọkụn ị chụnyen'ẹ. |
| 4 |
| Ya ye i ihiẹn obi i chọ — ya mẹ ihiẹn ile ị rị e ro gha, |
| 5 |
| ẹnyi e yi oro ịghọghọ nị y'e mẹrigụọ, ẹnyi e gi ẹfan Osolobuẹ ẹnyi nyan isi! Osolobuẹ ya mẹn'i ihiẹn ile ị rịọ. |
| 6 |
| A marịngụọ m nwan nị Osolobuẹ a zụọpụha onyẹ ọ họrị tumẹ azụọpụha; ọ gha elu-igwee ẹ rị nsọ a za a ghahanị nzụọpụha ẹka a e wẹhẹ. |
| 7 |
| Ụfọdụ gi ụgbọ-ẹshin agha e dọn ẹnya; ndị ọzọ gi ẹshin-agha e dọn ẹnya — kanị ẹnyi nwẹn gi ẹfan Osolobuẹ wụ Chuku ẹnyi e dọn ẹnya! |
| 8 |
| Wẹ k'a sọhị, dan, ẹnyi nwẹn k'e lihi, turu ọhụnma-ọhụnma. |
| 9 |
| Osolobuẹ dodo, ye eze mmẹri; ẹnyi kpọ ị ya za ẹnyi. |
| Save Notes |
https://beblia.bible:81/BibleAudio/ika/psalms/020.mp3
150
20