×

Ika Bible 2018

Ẹbụ-ọma 21

1
Euu Osolobuẹ, eze rị a ghọghọ nị i ye ẹ ikẹn; ọ rị a ghọghọ ọda-ọda makẹni y'e yeọlẹ ẹ mmẹri.
2
Y'e yegụọ a ihiẹn obi ẹ chọ — onwọnni ihiẹn ọ rịọ i yelẹn'ẹ!
3
Y'e gigụọ ngọzi sị a “alụa”, bu okpu-eze wụchanrịn goru che ẹ isi.
4
Ọ rịọ ị dọnmẹ ẹ ndụn, ị nọ dọnmẹ ẹ ndụn — ye ẹ isi-nka, kẹni o rị jẹnrin-ejẹn.
5
Mmẹri hụn i yesọnmẹ ẹ e yegụọ a ọghọ ọda-ọda; y'e yegụọ a ọghọ lẹ ikpẹn.
6
Y'a gọzigụọ a ngọzi k'a rị jẹnrin ejẹn, mẹ ẹ a ghọghọ ọghọghọ onyẹ hụn ị nọyeni.
7
Eze gi Osolobuẹ dọn ẹnya haịn; makẹni Onyẹ hụn Kachanrịnnị nwọn ihiẹn-ọsụsụọ ndị nke ẹ, onwọnni ogẹn eze e gi mẹhunmẹ.
8
Ẹka yụ wụ eze k'e kwọndọn ndị-iṅẹnrẹn i ile, ẹka-nni i k'a nwụndọn ndị iwe i.
9
Ị pụha, y'e mẹ wẹ ihiẹn okẹn ọkụn e mẹ ihiẹn. Osolobuẹ k'e gi olulu luepụ wẹ; ọkụn a k'e bu wẹ ri.
10
I k'e gbupụ ụmụ wẹ elu-ụwa, agbọ wẹ ahọdụkọzị.
11
Ọsụọn'a nị wẹ romẹn'i eje-ihiẹn, mama eje-ihiẹn, ọ ghakọ.
12
Makẹni ị k'a chụkin wẹ azụụn, ogẹn y'e gi bu ụta ị zinmẹ wẹ.
13
Osolobuẹ dodo, lihi nwan kpa ikẹn i! Ẹnyi k'e gi ẹbụ ja ikẹn i mma!
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes