×

Ika Bible 2018

Ẹbụ-ọma 24

1
Elu ụwa wụ nke Osolobuẹ, ịya lẹ ihiẹn ile rịn'a; elu-ụwa lẹ ndị ile bin'ẹ;
2
makẹni ya tụn a ye elu ohimin; ịya tumẹ ẹ ye elu mirin.
3
Onyẹ furu hụn e nyin ugu Osolobuẹ? Onyẹ furu hụn e wuzo ebẹhụ rị nsọ ọ rị?
4
Onyẹ ẹka a lẹ obi ẹ rị ọchan, hụn ghalẹni e we enwẹn ẹ a kwanị mmọn mọbụ e kun ẹfan Osolobuẹ a tụ ntụ.
5
O k'a narịn ngọzi ẹka Osolobuẹ, Chuku hụn wụ Onyẹ-nzụọpụha a k'e kun'ẹ ọhụnma.
6
Ẹrịra kẹ ndị e fe Osolobuẹ a rị, ndị hụn a chọ ihun i, Chuku Jekọpụ.
7
Ọnụ-mgbọn ndịnị, gụnpụ nị; Ọnụmụzọ ẹdẹi ndịnị, wẹ gụnpụ ụnụ, kẹni Eze nwọn ọghọ banhan.
8
Onyẹ wụdẹ Ezeni nwọn ọghọ? Osolobuẹ hụn wụ dikẹn lẹ odogun rọ, Osolobuẹ hụn wụ odogun-agha rọ.
9
Ọnụ-mgbọn ndịnị, gụnpụ nị! Ọnụmụzọ ẹdẹi ndịnị, gụnpụ nị kẹni Eze nwọn ọghọ banhan.
10
Onyẹ wụdẹ Ezeni nwọn ọghọ? Osolobuẹ hụn Nwọn ikẹn ile — ịya wụ Eze ahụn nwọn ọghọ.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes