×

Ang Pulong Sang Dios 2022

SALMO 24

1
Ang kalibutan kag ang tanan nga ara sa sini iya sang Ginoo.
2
Kay siya ang nagtukod sang pundasyon sang kalibutan sa mga tubig.
3
Sin-o bala ang puwede nga makataklad sa bukid sang Ginoo? Sin-o bala ang puwede nga makasulod sa iya balaan nga templo?
4
Ang tawo nga may matinlo nga mga binuhatan kag hunahuna, wala nagasimba sa mga dios-dios, kag wala nagasumpa sing butig.
5
Pakamaayuhon siya kag pakamatarungon sang Ginoo, ang Dios nga iya manluluwas.
6
Amo ina nga klase sang tawo ang nagadangop kag nagasimba sa Dios ni Jacob.
7
Abrihi ang dugay na nga mga puwertahan sang templo para makasulod ang gamhanan nga Hari!
8
Sin-o bala ining gamhanan nga Hari? Siya amo ang Ginoo nga makusog kag mabakod sa inaway.
9
Abrihi ang daan nga mga puwertahan sang templo para makasulod ang gamhanan nga Hari!
10
Sin-o bala ining gamhanan nga Hari? Siya amo ang Ginoo nga makagagahom. Huo, siya ang gamhanan nga Hari.
Ilonggo Bible 2022
Gin-gamit nga may permiso. Ang tanan nga kinamatarong sa nareserve sa bilog nga kalibutan. Holy Bible, Hiligaynon Contemporary Bible
:
Save Notes