×

Ziazia Kekeapai 1978

Atambuahe 24

1
Kpotosende du ni ga Yekova na agu ahe du rogo ho dunduko, zegino na agu yo naraka rogo ho;
2
bambiko ko amoi mburuhe auru abaime, ki mbakadi he auru adi.
3
Da ka dakpa ku ri ga Yekova gangara yo? Da ka ru rogo gako kparakpara ziazia ba yo?
4
Gu ni du na gigiri beni, na ziazia kpotoni yo, akiisa nga mbisimoni sa sawia ya, azunga nga he ni biriki a ya.
5
Ni adía maku be Yekova, na diapairi be Mbori gani bata.
6
Gere nga gu rika ngbatunga agu yo nagbata ko, nagbata kpakpuro, Ako ga Yakoba Mbori.
7
Ako akpuguru, oni tútumba rironi! I tútumba roni, Ako oni nga nyenye angbadimo! Bakindo taarimo ki rimi.
8
Da nga Bakindo taarimo? Yekova du na ngarã na nyaka a, Yekova du na nyaka pati vura!
9
Ako akpuguru, oni tútumba rironi! i tútumba roni, Ako, oni nga nyenye angbadimo! Bakindo taarimo ki rimi.
10
Da nga gi Bakindo taarimo re? Yekova nga ga arimbasa ko, Ko nga Bakindo taarimo!
Zande Bible 1978
La Sainte Bible en Zande Alliance Biblique Universelle, 1978
:
Save Notes