|
| 1 |
|
| Atokyinin saboondanyu, ee Kamuktaindet ne Toroor. |
|
| 2 |
|
| Ee Kamuktaindennyu, ki amang'un; amegoono alilan; amegoochi puunikyuk kogasenagei. |
|
| 3 |
|
| Ee, amegoochi kolilaan ne igenin; ililandos icheek che ng'aalsei puch. |
|
| 4 |
|
| Iboorwo ortinweguk, ee Kamuktaindet ne Toroor; ineeta ole ibune. |
|
| 5 |
|
| Indoiywa eng' imaning'ung' ak ineeta, amu ii Kamuktaindetap yetunennyu; ageniin peetuut komugul. |
|
| 6 |
|
| Ee Kamuktaindet ne Toroor, ibwaat rireenosyeguk ak chamyeng'ung' ne tala; amu ki mi kobooch keny. |
|
| 7 |
|
| Amebwaat tengekwogik anan pistoennyu che po ming'inatennyu; ibwaata ko uu chamyeng'ung' ne tala, amu myeeindong'ung', ee Kamuktaindet ne Toroor. |
|
| 8 |
|
| Kamuktaindet ne Toroor ko myee ak ko po iman, eng' nooto anyun ineeti ineendet kiptengeginik eng' ooreet. |
|
| 9 |
|
| Indochin che talaen eng' kirwooget; ak ineeti che talaen ooreennyi. |
|
| 10 |
|
| Chamyet ne tala ortinwek tugul che po Kamuktaindet ne Toroor ak ko po imanit, eng' icheek che riibei kayomisennyi ak paornatosyekyik. |
|
| 11 |
|
| Amu kaineng'ung', ee Kamuktaindet ne Toroor, inyoiywa kaat tengektonyu, amu oo. |
|
| 12 |
|
| Ng'oo anyun, chii ne iywei Kamuktaindet ne Toroor? Ineeti `Kamuktaindet ne Toroor ineendet eng' oor ne leweni. |
|
| 13 |
|
| Tebyei saboondanyi eng' poroteet, ak konyaban iyotennyi emet. |
|
| 14 |
|
| Miitei ung'ootyetap Kamuktaindet ne Toroor kobooto icheek che iywei ineendet; ak koboorchi icheek arorutyennyi. |
|
| 15 |
|
| Tokyingei konyekyuk Kamuktaindet ne Toroor kotugul; amu inemu keelyekyuk eng' mesteet. |
|
| 16 |
|
| Iweekyage ak irireena, amu ami aneege ak anyalili. |
|
| 17 |
|
| Katesak nyalilwogik che po muguleldanyu; imaanda eng' pichiinwekyuk. |
|
| 18 |
|
| Keer nyalildanyu ak aragenennyu; ak nyoiywo kaat tengekwogikyuk tugul. |
|
| 19 |
|
| Keer puunikyuk amu chaang'; ak kowecho eng' wegeet ne koroom. |
|
| 20 |
|
| Riip saboondanyu, ak isarwo; ameng' alilan, amu amang'un. |
|
| 21 |
|
| Ingoriibo kagesunatetapkei ak imanda, amu ageniin. |
|
| 22 |
|
| Ee Kamuktaindet, ityaach Israel, eng' nyalilwogikyik tugul. |
|
|
|
|