×

Ika Bible 2018

Ẹbụ-ọma 26

1
Osolobuẹ, dodo kuni m ọnụ m, makẹni m hụ e bi ọhụnma; makẹni m hụ e gi Osolobuẹ e dọn ẹnya, enwọnni m obi ẹbụọ.
2
Lele m, Osolobuẹ, dodo lele m: lele iroro m lẹ obi m —
3
Makẹni, ogẹn ile kẹ m gi a nyanhan ihiẹn-ọsụsụọ ị; m hụ e dọnmẹchanrịnn'ị enwẹn m.
4
M'a ra sọn ndị ntụ kpa, m'a ra sọnzikwọ ndị ihunnaị kpa.
5
Ịnọdị ebe ndị e mẹ eje-ihiẹn rị e ze m ize; m'a ra kweri sọn ndị-ejẹ nọdị.
6
A kwọpụ m ẹka ihiẹn m marịnlẹni, Osolobuẹ, e jẹnhunmẹ ukpo nchụn-ẹjan ị,
7
a bụ ẹbụ m gi a ja ị mma, a bụshi ẹ elu, e ku oku ihiẹn ile a tụ ẹnya ị rụn.
8
Euu Osolobuẹ, Ụlọ ahụn i bi a sụọka m — ebẹhụ ọghọ ị rị.
9
Dodo, egbulẹ m cheni ndị njọ; egbulẹ m cheni ndị egbu-lẹ-egbu —
10
ndị eje-ihiẹn rị ichẹn-ichẹn rị ẹka, ndị egho-azụụn mụmarịngụ.
11
Bụ mmẹ nwẹn hụ e bi ọhụnma; dodo, gbapụha m nwan, mẹ omikẹn m.
12
Ụkụ m e turugụọ nwan ebe riẹnni; m k'a ja Osolobuẹ mma imẹ igunrun ndị nke ẹ.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes