Maayong Balita 2012
|
| 1 |
| Ipahayag, O Ginoo, nga ako wala sing sala, tungod kay matarong ang ginahimo ko kag nagasalig ako sa imo sing bug-os. |
| 2 |
| Usisaa kag tilawi ako, O Ginoo, hukmi ang akon mga handom kag mga hunahuna. |
| 3 |
| Ang imo mapinadayunon nga gugma nagatuytoy sa akon, ang imo pagkamatutom nagaubay sa akon sa gihapon. |
| 4 |
| Wala ako nagaupod sa wala sing pulos nga mga tawo, wala ako nagasapak sa mga hipokrito. |
| 5 |
| Kontra ko ang pag-upod sa malaut nga mga tawo kag ginalikawan ko ang mga malaut. |
| 6 |
| Ginoo, nagapanghinaw ako sang akon mga kamot sa pagpakita nga wala ako sing sala, kag nagalibot ako sa imo altar sa pagsimba. |
| 7 |
| Nagakanta ako sang ambahanon sang pagpasalamat, kag ginasugid ko ang tanan nimo nga makatilingala nga mga binuhatan. |
| 8 |
| O Ginoo, ginahigugma ko ang balay nga imo ginaestaran, ang lugar sa diin yara ang imo himaya. |
| 9 |
| Indi man ako paglaglaga upod sa mga makasasala, ilikaw ako sa madangatan sang mga manugpatay, |
| 10 |
| mga tawo nga nagahimo sing malaut sa tanan nga tion, kag handa sa gihapon sa paghamham. |
| 11 |
| Ako akon, nagahimo sing matarong, kaluoyi man kag luwasa ako! |
| 12 |
| Indi ako maano sa tanan nga katalagman, sa katilingban sang mga nagasimba dayawon ko ang Ginoo! |
| Save Notes |
https://beblia.bible:81/BibleAudio/ilonggo2012/psalms/026.mp3
150
26