×

Fɔs Oli Baybul 2013

Sam 26

1
PAPA GƆD, tɔk fɔ mi nɔ, bikɔs a nɔ gɛt nɔn bɔt na mi layf. Na PAPA GƆD we na mi PAPA GƆD a abop pan ɛn a nɔ de yɛk.
2
PAPA GƆD, tɛst mi ɛn tray mi luk insay mi at gud gud lɛ yu no wetin de na mi maynd;
3
bikɔs ɔltɛm a de mɛmba se yu lɛk mi ɛn tray ɔltɛm fɔ du wetin yu want.
4
A nɔ de kip kɔmpin wit udat de pan rikishi ɛn a nɔ de jɔyn gɛŋ wit udat ipokrit;
5
a nɔ lɛk fɔ de usay dɛn de plan bad so a nɔ de gri fɔ kip kɔmpin wit bad pipul.
6
A nɔ de du bad, mi an dɛn klin so a go jɔyn pipul fɔ wɔship yu.
7
A go siŋ lawd wan fɔ tɛl PAPA GƆD tɛnki dɔn a go tɔk bɔt ɔl di wɔndaful tin dɛn we yu de du.
8
PAPA GƆD a lɛk usay yu de, usay pipul kin si aw yu big ɛn wɔndaful.
9
Nɔ trit mi lɛk aw yu de trit udat na sina, ɛn mek a day lɛk udat de kil in kɔmpin,
10
we gɛt ɔl kayn skil fɔ du bad, ɛn we dɛn yuz mɔni fɔ blɛn in yay.
11
Mi a de waka tret; sɔri fɔ mi ɛn ansa mi.
12
A go tinap deŋ usay bɔku pipul de; A go prez PAPA GƆD usay bɔku pipul de.
Krio Bible 2013
Krio Bible The Bible Society of Sierra Leone, 2013
:
Sev Notis dɛn