مقدس ڪلام توريت، زبور
|
| 1 |
| اي خداوند! مون کي سچار قرار ڏي، ڇوجو آءٌ ايمانداريءَ سان هليو آهيان. تو خداوند تي مون ڀروسو رکيو آهي، ۽ ان ۾ آءٌ ڪين ٿاٻڙيو آهيان. |
| 2 |
| اي خداوند! ڀلي تون امتحان وٺ ۽ مون کي آزماءِ، تون منهنجيءَ دل ۽ منهنجي دماغ جي پرک لهُہ. |
| 3 |
| تو خداوند جي لافاني شفقت منهنجي اکين اڳيان آهي. آءٌ تنهنجي سچائيءَ واري راهہ تي هلندو رهيو آهيان. |
| 4 |
| آءٌ بيهودن ماڻهن سان ڪڏهن گڏجي ڪين ويٺو آهيان، نہ ئي مون ڪڏهن دوکيبازن جو ڪو ساٿ ڏنو آهي. |
| 5 |
| بدڪارن جي ٽولي کان مون کي نفرت آهي. آءٌ انهن بڇڙن سان ڪڏهن ڪين ويٺو آهيان. |
| 6 |
| اي خداوند! آءٌ تنهنجي هيڪل ۾ پنهنجي بيڏوهي هجڻ جي ثابتي ڏيڻ لاءِ پنهنجا هٿ ڌوئي تنهنجي قربانگاهہ جو طواف ٿو ڪريان. |
| 7 |
| طواف ڪندي آءٌ تنهنجا شڪرانا پيو ڳايان، ۽ تنهنجي سڀني عجيب ڪمن جو بيان ڪندو ٿو رهان. |
| 8 |
| اي خداوند! جتي تون رهين ٿو، هائو، جنهن جاءِ ۾ تنهنجو جلوو ٿو چمڪي، تنهن سان آءٌ پيار ڪريان ٿو. |
| 9 |
| تون مون کي گنهگارن سان گڏي ناس نہ ڪجانءِ، نڪي خوني ماڻهن سان گڏ مون کي موت جي سزا ڏجانءِ. |
| 10 |
| اهي ماڻهو بدڪاريءَ منجھہ ٻڏل آهن، ۽ سندن هٿ رشوتن ۾ رنڱيل آهن. |
| 11 |
| پر جيئن تہ آءٌ پنهنجي سچائيءَ سان هلندو رهان ٿو، سو تون مون تي رحم ڪر ۽ مون کي اچي ڇڏاءِ. |
| 12 |
| منهنجا قدم سنئين سڌي رستي تي قائم آهن، سو اي خداوند! آءٌ هيڪل جي وڏين گڏجاڻين ۾ ضرور تنهنجي واکاڻ ڪندس. |
| نوٽس محفوظ ڪريو |
https://beblia.bible:81/BibleAudio/sindhimuslim/psalms/026.mp3
150
26