×

Ziazia Kekeapai 1978

Atambuahe 26

1
Ako Mbori, mo sápu ngbanga fere, bambiko mi ata ni irarengo, mi akida kuti Yekova a zanga wo.
2
Ako Yekova, mo wísigi re, ki asadi re; mo ásadi kpotore yo na gi berã a.
3
Bambiko ga weneringise du bara bangire, mi ata rogo ga yososopai.
4
Mi asunga nga na aboro sawia te, mi arima nga fuo airabiriki a te;
5
mi sogo rimbasa agu aboro nga ga amangi gbigbitapai, mi asunga nga na gbegberẽ aboro te.
6
Mi azunda bere wa du mi nga boro wenesa, Ako Yekova, mi ake pati ga bamotumo kirikiri,
7
nibi bia tambuahe ni wawa, ki gumba pa ga iiriwo mangaapai dunduko.
8
Ako Yekova, mi nakpi nyemu vuru ga bambu yo, na gu ba du ga taarimo rogo.
9
Ka mo dí nga re ku sa yo na aboro ingapai ya, na ungare na abaimiaboro a ya,
10
nga agu yo du beyo na gbegberẽ sanga apai ti ni, kumbabeyo hiki be marã mabirimo.
11
Ono mi tigimi, mi ata kina rogo gi rengo; mo túmo re, ki ini pai fere.
12
Ndure naru ti kpasakpasa rago; mi asámbua Yekova dagba arika rimbasa aboro yo.
Zande Bible 1978
La Sainte Bible en Zande Alliance Biblique Universelle, 1978
:
Save Notes