×

Ika Bible 2018

Ẹbụ-ọma 27

1
Osolobuẹ wụ ukpẹ m lẹ onyẹ hụn a zụọpụhanị m — onyẹ kẹ m k'a tụ egun ẹ? Imẹ Osolobuẹ kẹ wẹ nọ e che ndụn m nche — onyẹ kẹ m k'a tụ egun ẹ?
2
Omẹni ndị-ejẹ a maye m nị wẹ bu m ri, omẹni ndị-iṅẹnrẹn m lẹ ndị iwe m a maye m — wẹ sikọ d'a kpọgburu, dan.
3
Ọsụọn'a nị igunrun ndị-agha kehunmẹ m, obi eferikọ m; ọsụọdẹn'a nị agha bịanị m, obi k'e ruzikwọ m alị!
4
Ihiẹn ohu kẹ m'a rịọ Osolobuẹ, ịya kẹ m'a chọkẹnmẹ: ibiri imẹ Ụlọ Osolobuẹ ndụn m ile: e lee kẹ Osolobuẹ mahan mma, a nọ Ụlọ-NSỌ a e ro ẹ, e fe ẹ.
5
Makẹni, nsọngbu bịa, n'o chemẹghọ m imẹ Ụlọ a; n'o zuemẹghọ m imẹ Ụlọ-nsọ a, bu m che elu ọmụma jẹn elu.
6
O weshi m elu karị ndị-iṅẹnrẹn m fihunmẹni m, a nọ m Ụlọ-nsọ a gi oro ịghọghọ chụnyen'ẹ ẹjan; a bụnị m Osolobuẹ ẹbụ, kpọn'a egu.
7
Dodo Osolobuẹ, m kpọku i y'a nụ olu m, y'e mẹ omikẹn m, za m!
8
Obi m sị m, “Chọ ihun ẹ!” M rị nwan a chọ ihun i, Osolobuẹ;
9
dodo, ezuemẹlẹ ni m ihun i! Egikwọlẹ olulu chụpụ odibo i, nị ịyụ e yeni m ẹka. Dodo, ajụlẹ m mọbụ la m tọ, Chuku hụn a zụọpụhanị m.
10
Ọsụọn'a nị nẹdi m lẹ nnẹ m la m tọ, Osolobuẹ k'e weri m.
11
Osolobuẹ, dodo kuzi m kẹ w'a gha ụzọ ị, y'e we m a gha ụzọ riẹnni, makẹ ndị-iṅẹnrẹn m.
12
Ewekwọlẹ m ye ndị-iṅẹnrẹn m gi mẹ ihiẹn sụọnị wẹ: wẹ rị e buokin m ọnụ, a nyannị m isi.
13
Omẹni ete gini m dọn nị m k'a hụn ngọzi Osolobuẹ imẹ ndụnnị, nkẹ nke m'a gụ.
14
Gi Osolobuẹ dọn ẹnya. Turu, y'e kwọndọn obi i, y'e gi Osolobuẹ dọn ẹnya.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes