BIBELE 1951
|
| 1 |
| Morena ke seetša sa ka le go phologa ga ka. Ke sa boifa mang? Morena ke yena sebo sa bophelo bja ka. Ke sa tlo tšhoga mang? |
| 2 |
| Mola ke khukhunetšwa ke ba babe, ba re ba je nama ya ka, ke ra bahloi ba ka le manaba a ka, ba kgopilwe ba wa. |
| 3 |
| Ge ke tšwelwa dira, pelo ya ka ga e tšhoge. Le ge nka tsogelwa ke tlhabano, le moo ke a holofela. |
| 4 |
| Se ke se kgopelago go Morena ke se tee; se ke se nyakago ke gore ke dule Ngwakong wa Morena mehla yohle ke sa phela, ke boge mabothakga a Morena, ke fahlogele Ntlokgethwa ya gagwe. |
| 5 |
| Gomme moo thopeng ya gagwe o nkuta ka mohla o mobe, o mphihla phapošing ya Ngwako wa gagwe, o nnametša mo lentsweng. |
| 6 |
| Le bjalo hlogo ya ka e tlo phagamišwa godimo ga manaba a go ntika; mme didimo tša tlhalalo ke tlo kgona go di tliša mo Ngwakong wa gagwe; ka mo opelela, yena Morena, ka hlaba sefela sa gagwe. |
| 7 |
| Morena kwaa! Ke hlaboša lentšu la ka ke go bitša; nkgaugele o nkarabe. |
| 8 |
| Pelo ya ka e re: Ke wena o itšego: Nyakang sefahlego sa ka; ya ba gona ke nyakago sefahlego sa gago Morena. |
| 9 |
| Se nkgerule; mme nna mohlanka wago o se nteleke o befetšwe. O Moemedi wa ka. O se ke wa ntahla wa ntlogela, wena Modimo wa go mphološa. |
| 10 |
| Gobane tate le mme bona ba ntlogetše; mme wena Morena o a nkamogela. |
| 11 |
| Morena, nthute tsela ya gago, o ntlhahle mmileng wa go loka, ka lebaka la ba ntheilego. |
| 12 |
| Se nkgafele boomo bja mpateletši, gobane ke tsogetšwe ke dihlatse tša maaka tše di pelofaletšego tša bošula. |
| 13 |
| Ge nkabe ke sa holofele go bona tše dibotse tša Morena nageng ya ba phelago, gona ga re tse. |
| 14 |
| Letela Morena, o tie maatla, o tleme pelo. Letela Morena. |
| Boloka Lintlha |
https://beblia.bible:81/BibleAudio/sotho1951/psalms/027.mp3
150
27