現代台語譯本羅馬字版
|
| 1 |
| Siōng Chú ah, góa kiû-kiò lí; góa ê chio̍h-pôaⁿ ah, m̄-thang m̄ chhap góa. Lí nā tùi góa chēng-chēng, góa chiū chhin-chhiūⁿ ji̍p bōng-khòng-khang ê lâng. |
| 2 |
| Góa kiû-kiò lí, ǹg lí ê Chì-sèng-só͘ gia̍h-chhiú kî-tó ê sî, kiû lí thiaⁿ góa khún-kiû ê siaⁿ. |
| 3 |
| M̄-thang chiong góa kap pháiⁿ-lâng, í-ki̍p choh-ok ê lâng chòe-chi̍t-ē siau-bia̍t; in kap chhù-piⁿ kóng hô-pêng ê ōe, m̄-kú sim im-hiám. |
| 4 |
| Goān lí chiàu in ê só͘-chòe, chiàu in só͘ kiâⁿ ê pháiⁿ-tāi pò-èng in. Goān lí chiàu in ê chhiú ê só͘-chòe pò-èng in, chiàu in eng-kai siū--ê kā in chhú-hoa̍t. |
| 5 |
| In-ūi in biáu-sī Siōng Chú ê chok-ûi, kap I ê chhiú só͘ chòe--ê; I ōe húi-hoāi in, bōe kā in tiông-kiàn. |
| 6 |
| Siōng Chú eng-kai siū chheng-chàn, in-ūi I ū thiaⁿ góa khún-kiû ê siaⁿ. |
| 7 |
| Siōng Chú sī góa ê khùi-la̍t, góa ê tún-pâi; góa óa-khò I. Siōng Chú pang-chān góa, góa ê sim tōa hoaⁿ-hí; góa beh ēng si-koa chheng-chàn I. |
| 8 |
| Siōng Chú sī I chú-bîn ê khùi-la̍t, sī I soán-li̍p ê ông tit-kiù ê pī-lān-só͘. |
| 9 |
| Kiû lí kái-kiù lí ê chú-bîn, sù-hok hō͘ chòe lí sán-gia̍p ê chú-bîn; kiû lí chòe in ê bo̍k-chiá éng-oán hû-chhî in. |
| 保存笔记 |
https://beblia.bible:81/BibleAudio/chinesettvr/psalms/028.mp3
150
28