Ika Bible 2018
|
| 1 |
| Ịyụ kẹ m rị a kpọku, Osolobuẹ; Ọmụma m gi dọn ẹnya! Agbakwọlẹ m nkịtịn. Nị ị gbakwọ m nkịtịn, e sọn m ndị nwụnnị la imẹ ili. |
| 2 |
| Nụ ẹkwan m gi a rịọ ị n'i mẹni m omikẹn, a kpọ ị d'e yeni m ẹka, a kịshi ẹka m elu e zinmẹ Ebẹhụ kachanrịn nsọ ị rị. |
| 3 |
| Adọkpụnpụkwọlẹ m kẹ y'e mẹ ndị-njọ, ndị e mẹ eje-ihiẹn — a mụyeni ibe wẹ ẹmụ kanị wẹ bu iwe wẹ obi. |
| 4 |
| Kụ wẹ ụgwọ ihiẹn ndị wẹ mẹ lẹ eje-ọrụn wẹ; mẹgwarị wẹ ihiẹn ẹka wẹ mẹ, y'e mẹ wẹ gi isi buru ihiẹn wẹ mẹ. |
| 5 |
| Ebe o mẹni onwọnni ihiẹn wẹ kpọ ẹka-ọrụn Osolobuẹ lẹ ihiẹn ẹka a mẹmẹ, o k'e tikpọ wẹ, tikpọchanrịn. |
| 6 |
| Ọjịja-mma ya rịnị Osolobuẹ, makẹni ọ nụgụọ ẹkwan m kẹ m rịọ a n'o mẹni m omikẹn. |
| 7 |
| Osolobuẹ wụ ikẹn m lẹ akpaịn m; Ịya k'e obi gi e ru m alị, o yeni m ẹka. Obi m hụ a tụshi elu, a ghọghọ, m hụ e gi ẹbụ a kpanmịn a. |
| 8 |
| Osolobuẹ wụ ikẹn ndị nke ẹ, Ụlọ-nche hụn a zụọpụha onyẹ hụ o tumẹ. |
| 9 |
| Dodo, Zụọpụha ndị nke i, y'a gọzi ukuu i; Du wẹ kẹ anụ ị, pa wẹ jẹnrin ejẹn. |
| Save Notes |
https://beblia.bible:81/BibleAudio/ika/psalms/028.mp3
150
28