RUAC KUƆTH IN RƐL RƆ 1998
|
| 1 |
| Cɔalä ni ji̱ lö Kuoth Nhial gääŋdä /cu ɣä ɣɔ̱th, kɛ ɣöö mi wi̱i̱ wä biɛt kä cɔalä ji̱ ɣän bä ce̱tnikɛ nɛy tin ci wä jɔɔkni. |
| 2 |
| Liŋ jɔw palädä min thiëëcä ji̱ mi cɔalä ji̱ kɛ kui̱ lua̱k, mi wa̱a̱ tetkä wä tar nhial lotdä luaakdu min rɛl gɔɔydɛ rɔ. |
| 3 |
| Cu ɣä bi naŋ kɛɛl kɛ ji̱ nyuɔɔni, kɛnɛ nɛy tin la la̱tkɛ jiäk, tin la latkɛ mal kɛ ji̱ thieekädiɛn, kä thiäŋ ni lo̱ckiɛn kɛ tiɛɛl. |
| 4 |
| Tɔ̱ŋkɛ kɛ kui̱ ciɛŋädiɛn in jiääk, kɛnɛ lät nyuɔɔni tin ca la̱t. Tɔ̱ŋkɛ kɛ kui̱ kä tin ca lat ɛ kɛn, kämnikɛ min ro̱ŋ kɛ lätkiɛn. |
| 5 |
| Kɛ ɣöö /kenkɛ lät Kuɔth Nhial luɔ̱th, tin cɛ la̱t kɛ tetkɛ, bɛ kɛ da̱k ni piny kä /cɛ kɛ bi nyɔk kɛ no̱o̱ŋ nhial. |
| 6 |
| A puɔ̱th tekɛ Kuoth Nhial, kɛ ɣöö cɛ jɔw palädä liŋ. |
| 7 |
| Kuoth Nhial ɛ buɔ̱mdä kä ɛ ko̱tdä, kä ŋa̱a̱thä ni jɛ kɛ lɔcdä. Inɔ cɛ ɣä luäk, kä tɛth lɔcdä, bä jɛ puany kɛ diitkä kɛ tɛ̈th lɔaac. |
| 8 |
| Kuoth Nhial ɛ buɔ̱m nɛɛnikɛ, kä jɛn ɛ gua̱th lua̱k kä nɛɛkɛ tin cɛ mɛk. |
| 9 |
| Kän nɛɛku, kä poth kɛ, ku la yieendiɛn, kä titkɛ amäni cäŋ kɛl. |
| Tɔ̱a̱w Notethni̱ |
https://beblia.bible:81/BibleAudio/nuer/psalms/028.mp3
150
28