Ekitabo Erikwera 2008
|
| 1 |
| Ai Nyakubaho, rukiri rwangye, niiwe ndikutakira, otaanyefiisiza amatu; ahabw'okuba waaba otaanyetabire, ndyashuuma okuzimu nk'abandi. |
| 2 |
| Ai Nyakubaho, hurira okweshengyereza kwangye, ninkutakira ngu onjune, niinyimutsya emikono, ngyorekyeize owaawe aharikwerera kimwe. |
| 3 |
| Otampinyirana n'ababi, okantwara n'enkozi z'ebibi abarikugambira bataahi baabo karimi karungi, kunu eitima ribari omu mutima. |
| 4 |
| Ai Nyakubaho, obazimuurire ebi bakora n'ebi bacumura; obaihure ebibashemereire, ebi baakozire n'engaro zaabo! |
| 5 |
| Ka n'empumi eziteeta ha mirimo ya Nyakubaho, ei we wenka akora! Aryabafubira abacwekyerereze kimwe. |
| 6 |
| Nyakubaho ahimbisibwe; ahabw'okuba ahurira okushaba kwangye. |
| 7 |
| Nyakubaho niwe maani gangye kandi engabo yangye, kandi niwe nyesiga; akampwera, n'ahabw'ekyo nyijwire amashemererwa, nimmusingiza n'amagara gangye goona. |
| 8 |
| Nyakubaho aba amaani g'abantu be, kandi ekigo kigumire, eki omusiigwa we ahungiramu. |
| 9 |
| Juna abantu baawe abu waayetungiire, obahe omugisha, Obe omuriisa waabo, obaramire ebiro byona! |
| Save Notes |
https://beblia.bible:81/BibleAudio/nyankole/psalms/028.mp3
150
28