×

現代台語譯本羅馬字版

詩篇 29

1
Thian-kài tāi-lêng-chiá ê chèng kiáⁿ-jî ah, tio̍h chiong Siōng Chú èng-ū ê êng-kng koân-lêng kui hō͘ I. Tio̍h kui hō͘ I!
2
Tio̍h chiong Siōng Chú ê miâ èng-ū ê êng-kng kui hō͘ I, chûn sèng-kiat ê sim kèng-pài Siōng Chú.
3
Siōng Chú ê siaⁿ tī chúi-bīn teh hiáng; êng-kng ê Siōng-tè khí-lûi tōa tân. Siōng Chú lîm-chāi tī hái-iûⁿ téng-bīn.
4
Siōng Chú ê siaⁿ ū tōa khùi-la̍t; Siōng Chú ê siaⁿ ui-giâm móa-móa.
5
Siōng Chú ê siaⁿ phah-chi̍h pek-hiuⁿ-chhiū; Siōng Chú phah-chhùi Lê-pa-lūn ê pek-hiuⁿ-chhiū.
6
I hō͘ Lê-pa-lūn tiô-thiàu chhin-chhiūⁿ gû-á-kiáⁿ, hō͘ Hek-bûn-soaⁿ tiô-thiàu chhin-chhiūⁿ iá-gû-á-kiáⁿ.
7
Siōng Chú ê siaⁿ hō͘ sih-nà siám-iāu.
8
Siōng Chú ê siaⁿ hō͘ khòng-iá iô-tāng; Siōng Chú hō͘ Ka-te-su ê khòng-iá tōa tín-tāng.
9
Siōng Chú ê siaⁿ hō͘ lo̍k-bú tio̍h-kiaⁿ seng-sán, hō͘ chhiū-nâ ê chhiū-hio̍h lak kah kng-kng-kng. Só͘-ū tī I tiān-lāi ê lâng lóng hoah kóng, “Êng-kng kui Siōng Chú!”
10
Siōng Chú siat pó-chō tī tōa-chúi téng-bīn; Siōng Chú choh-ông kàu éng-oán.
11
Siōng Chú sù khùi-la̍t hō͘ I ê chú-bîn; Siōng Chú sù pêng-an hō͘ I ê chú-bîn.
Chinese TTVR
The Bible Society in Taiwan
:
保存笔记