Ika Bible 2018
|
| 1 |
| Ye ni Osolobuẹ ọghọ, mmọn ile; kun'ẹ nị ọghọ lẹ ikẹn wụ nke Osolobuẹ. |
| 2 |
| Ye ni Osolobuẹ ọghọ furu Ẹfan a; fe ni Osolobuẹ hụn rị nsọ pụ-ichẹn. |
| 3 |
| Olu Osolobuẹ rị elu mirin a han; Chuku nwọn ọghọ gi akpara (akpabọ) e ku, Osolobuẹ rị e gi akpabọ a ban mban elu okẹn mirin ndị ahụn. |
| 4 |
| Olu Osolobuẹ e hikẹ; olu Osolobuẹ e nwọnkẹ ọghọ. |
| 5 |
| Olu Osolobuẹ a kpagi osisi sida, Osolobuẹ e tigungwọn osisi sida Lẹbanọnụ. |
| 6 |
| O mẹdẹ Ugu Lẹbanọnụ e zinzin nọkẹ nwa-efin rị a wụshi elu, e mẹ Ugu Siriọnụ e mẹhunmẹ — nọkẹ nwa okẹn efin-ọfịa rị a wụshi elu. |
| 7 |
| Olu Osolobuẹ e be amụma, e titu ihiẹn. |
| 8 |
| Olu Osolobuẹ e mẹhunmẹ alị ọkpọ-nkụn; Osolobuẹ e mẹhunmẹ alị ọkpọ-nkụn Kadẹshi. |
| 9 |
| Olu Osolobuẹ e hiemẹdẹ okẹn-osisi wụ ọgịn, o tigichanrịn osisi rị ẹgboko. Imẹ Ụlọ-NSỌ a, olu ile hụ e yi, “Mma!!” |
| 10 |
| Osolobuẹ rị a kị ẹbi-mirin; Osolobuẹ wụ eze a kị jẹnrin ejẹn. |
| 11 |
| Osolobuẹ e ye ndị nke ẹ ikẹn; Osolobuẹ e ye ndị nke ẹ udọn. |
| Save Notes |
https://beblia.bible:81/BibleAudio/ika/psalms/029.mp3
150
29