×

ABIBILIA NGAKIRO NAAJOKAK 1999

Ngieosio 29

1
Kipuro Ekapolon Akuj, esi ngiborei a adis. Kipuro akibuseanu keng ka agogongu.
2
Kipuro ekiro a Ekapolon Akuj lo ibus. Toriediko alongaren ngolo italeuno na etakanunea.
3
Eyei etoil a Ekapolon Akuj kidiama nakipi. Agirokini Akuj na ipuruunitoe kikobasi nganamea etoil keng.
4
Epupio etoil a Ekapolon Akuj a ationis keng kadaang ka ekipur.
5
Etoil a Ekapolon Akuj, ebili ngichekereng, ebili tani ngichekereng a Lebanon.
6
Isichurokini ngesi ngimoru a Lebanon, loger lo ichurotor ngitak. Ani emoru a Erimon, ituusi loger lo eusea itaok a emong.
7
Etoil a Ekapolon Akuj, eremonori ngasarae kimiliaut.
8
Itamaranikini etoil a Ekapolon Akuj ariet. Itamaranikini ariet a Kadech.
9
Etoil a Ekapolon Akuj, itamaranikini ngichokei sodi tararau ngakui daang alokito. Tarai ebalasi ngitunga daang alokai keng, “Kipuroe Akuj!”
10
Epolokinit Ekapolon Akuj ngakalel. Erai ngesi ekapolon lokajik.
11
Agasi atamar kitaanyu Ekapolon Akuj ngitunga keng ngikilinga, sodi topia kesi kitaanyu ekisil.
Turkana Bible 1999
BIBLE SOCIETY OF KENYA (c) 1999
:
Save Notes