×

Naawuni Kundi Kasi 2011

Yila 30

1
Yawɛ m-paɣir’ a, dama nyini n-yihi ma bɔɣ’ zilinli ni na, ka chɛ ka n dimnim’ bi di dari niŋ ma.
2
Yawɛ ŋun nyɛ n Naawuni ŋɔ, n fabili niŋ a ni a sɔŋ ma, ka a tib’ ma.
3
Yawɛ, nyini n-yihi n shia kpiimba biɛhigu shee, a lan ti ma nyɛvili ninvuɣ’ shɛb’ bɛn pun do gbala ni la kalinli ni.
4
Yinim’ bɛn nyɛ wuntizɔriba ŋɔ, yilimiya yila paɣi Yawɛ! Paɣimiy’ o yuli din be kasi ŋɔ!
5
Dama o suhuyiɣisili bi yuura, ka o nyɛ ŋun kul niŋdi alibarika niŋdi niriba ni sahakam. Di pa shɛli kuhigu ni beni yuŋ, amaa ka suhupiɛlli mi be biɛɣ’ neebu ni.
6
Man’ ŋuna, n tɔŋbu puuni, n daa yɛliya, “Shɛli ku tooi nyaŋ ma.”
7
Yawɛ, a nirilim niŋbu puuni, ka a daa ba ma zali kaman zo’ shɛli din mali kpiɔŋ la; a lɛb’ a nyaaŋa biri ma, ka dabiɛm gbaai ma pam.
8
Yawɛ, nyini ka n kumdi niŋda. N Duuma, nyini ka n suhiri ni a zo ma nambɔɣu.
9
N yi kpi n-do gballi ni, nyɔ’ bɔ ka n kum maa lee yɛn ti a? Taŋkpaɣu ni tooi paɣ’ a? Di ni tooi yɛl’ a ʒiɛyimtali yɛla?
10
Yawɛ, wumma, zom’ ma nambɔɣu! Yawɛ, leemi ŋun sɔŋdi ma!
11
A chɛ ka n fabila leei waa. A piligi buɣu n zuɣu ni, ka zaŋ suhupiɛlli zuɣupiligu pili ma.
12
Dinzuɣu n shia ni paɣ’ a, ka ku shini. Yawɛ ŋun nyɛ n Naawuni ŋɔ, n kul ni paɣir’ a sahakam.
Dagbani Bible 2011
Red Letter Dagbani Bible Society of Ghana, 2011
:
Save Notes