×

Ika Bible 2018

Ẹbụ-ọma 32

1
Onyẹ nwọn ngọzi wụ onyẹ hụn Osolobuẹ gbagharị nnupụ-isi ẹ, onyẹ hụn o kpumẹgụ njọ a.
2
Onyẹ wẹ gọzi a gọzi wụ onyẹ hụn nwọnzilẹni njọ hụn Osolobuẹ jẹnkọ d'a jụ a ukwere ẹ, makẹni onwọnzini njọ o zuemẹ imẹ obi ẹ.
3
Ogẹn m gi gba nkịtịn, ndụn nọ gụ m rudẹ ọkpụkpụ — ebe m rị a sụn udẹn kẹ ụhụọhịn han,
4
makẹni uhinhin lẹ efinnaị, ị hụ e gi ẹka zeni e sọn m. Kaka akpụ ndụn ohu ete rịzị m, nọkẹsị anwụn ọhọhị malịlọ m ẹhụ.
5
Ya kẹ m nọ kweri gwa ị n'e mẹọlẹ m njọ; ezuemẹzinini m'ị njọ m; e sị m enwẹn m, “M jẹnkọ d'a gwaghọsị Osolobuẹ eje-ihiẹn ndị m mẹ.” Ya ị nọ gbagharị m njọ m.
6
Ya wụ, onyẹ ọwụlẹ hụn e feshi i ikẹn ya rịọma ị ogẹn wẹ e gi s'ẹka nwọnhẹn i — ọsụọn'a nị okẹn mirin rị e hu, o rukọ a ẹhụ.
7
Ịyụ wụ ebe m'a warị; y'e chemẹ m ogẹn nsọngbu — e mẹ wẹ e yi oro azụụn ile nị y'a zụọpụhagụọ m.
8
M k'a kuzi i, e zin m'i ụzọ ị k'a gha, m k'a gha a dụn ị ọdụn, e leban obibi i ẹnya.
9
Anọkwọlẹ kẹ ẹshin lẹ anyịnyan-mulu nwọnlẹni uche — omẹni y'e kẹnmẹni wẹ ọnụ, y'a sakọ ẹka du wẹ.
10
Nsọngbu bu ọda a bịanị ndị-njọ, kanị, ihiẹn-ọsụsụọ Osolobuẹ e fihunmẹ ndị gi Osolobuẹ dọn ẹnya.
11
A ghọghọ nị imẹ Osolobuẹ, e nwọn anwịnrịn, ụnụ ndị e feshi Osolobuẹ ikẹn; e yi ni oro ịghọghọ, ụnụ ile obi wẹ rị ọchan.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes