×

Maayong Balita 2012

SALMO 32

1
Malipayon ang tawo nga ang iya mga sala ginpatawad, nga ang iya mga paglapas ginpanas.
2
Malipayon ang tawo nga wala ginasumbong sang Ginoo, tungod kay wala niya ginatago ang iya kasaysayan, kag hilway sia sa tanan nga pagdaya.
3
Sang wala ko matuad ang akon mga sala, nagpalanghuyos ako tungod sang akon paghibi sa bug-os nga adlaw.
4
Ginoo, ginsilutan mo ako sa adlaw kag gab-i, nawad-an gid ako sing kusog, subong sang tun-og nga ginpamala sang init sa tingadlaw.
5
Dayon gintuad ko ang akon mga sala sa imo, wala ko gintago ang akon mga kasaypanan. Nagtapat ako sa pagtuad sang akon mga sala sa imo, kag ginpatawad mo ang akon mga paglapas.
6
Gani ang imo tanan nga matutom nga mga katawhan dapat magpangamuyo sa imo sa tion sang kabudlayan, kon ang daku nga baha sang kagamo mag-abot nga nagasagana, indi ini makalambot sa ila.
7
Ikaw ang akon palanaguan, imo ako pagaluwason sa kalalat-an. Nagakanta ako sing mabaskog sang imo kaluwasan, kay imo ako ginaapinan.
8
Ang Ginoo nagasiling, “Tudloan ko ikaw sang dalan nga imo pagaagyan, tudloan ko ikaw kag laygayan.
9
Indi ka magpatig-a sang imo ulo subong sang kabayo ukon mula, nga ginaanta paagi sa renda kag bokado, agod nga magtuman sila sa imo.”
10
Ang malaut dapat mag-antos, pero ang mga nagasalig sa Ginoo ginaapinan sang iya mapinadayunon nga gugma.
11
Tanan kamo nga matarong, magkalipay kag maghinugyaw, tungod sang mga binuhatan sang Ginoo! Tanan kamo nga nagatuman sa iya, magsinggit sa kalipay!
Ilonggo Bible 2012
Maayong Balita nga Biblia Philippine Bible Society, 2012
:
Save Notes