Ekitabo Erikwera 2008
|
| 1 |
| Ka n'ow'omugisha omuntu osaasiirwe ebicumuro, akaihwaho ebibi! |
| 2 |
| Ka n'ow'omugisha, ou Nyakubaho atataho rubanja, ou omutima gwe gutaine bugobya! |
| 3 |
| Obu naabaire nkyangire kweteisa, nkahwa aha magufa, naarenzya eizooba nimpigima, |
| 4 |
| ahabw'omukono gwawe kuguma gumpingamiire nyomushana na nyekiro. Naakarangatana, nk'ebikonko byomiibwe omushana gw'ekyanda. |
| 5 |
| Naarugaho naayemera ku naakucumwireho; ntakishereka birikunshinja, naagira nti: Ka nyetuurire Nyakubaho, mmwaturire ebicumuro byangye. Naiwe nikwo kubinsaasira, okaanyihaho ebibi byangye. |
| 6 |
| Nikyo buri muheereza waawe akweshengyerereza omu bunaku bw'omunyangararo; nobu emyegyemure yaakuhimintika eta, tekaamuhikaho. |
| 7 |
| Niiwe bweshereko bwangye; ondinda ndi omu bunaku bw'akabi, okanshagatiza ebyeshongoro by'okujunwa. |
| 8 |
| Nyakubaho nawe ati: Niinyija kukwegyesa, nkuhabure omuhanda ogu oraatoore; nkurinde kandi nkuhe obwengye. |
| 9 |
| Otaba nk'embaraasi nari enyumbu ezitagira bwengye, ezenda kutegyekwa zitairwe ekyoma omu kanwa n'enkoba omu bitsya, ngu omuntu abone kuzihika haihi. |
| 10 |
| Ebibonabono bingi bigwera ababi, kwonka oyesiga Nyakubaho, rukundo ye etahararuka emuhumbika. |
| 11 |
| Imwe bahikiriire 'mwe, nimwemurikye nimwesiimira omuri Nyakubaho; naimwe mwena ab'emitima y'amazima, nimuteere akaari k'okushemererwa. |
| Save Notes |
https://beblia.bible:81/BibleAudio/nyankole/psalms/032.mp3
150
32