|
| 1 |
|
| Yinim’ wuntizɔriba, tahimiya suhupiɛlli tahigu Yawɛ sani. Di simdi ni ninvuɣ’ shɛb’ bɛn biɛhigu be tibi paɣir’ o. |
|
| 2 |
|
| Ŋmɛmiya biɛri paɣi Yawɛ, ka ŋme mɔɣilɔnim’ din mali mihi piapia paɣ’ o. |
|
| 3 |
|
| Yilimiya yil’ palli, ka ŋme mɔɣilɔnim’ viɛnyɛliŋga n-yo suhupiɛlli vuri paɣ’ o! |
|
| 4 |
|
| Dama Yawɛ yɛligu nyɛla din be tibi, ka o tuma zaa nyɛ din tuhi. |
|
| 5 |
|
| O yuri wuntitali mini yɛlimaŋli. Yawɛ yurilim maŋli kul palila dunia ŋɔ ni. |
|
| 6 |
|
| Yawɛ nol’ ni yɛligu ka o daa zaŋ nam zuɣusaa. Yawɛ nol’ ni yɛligu ka o daa zaŋ nam wuntaŋa mini goli ni saŋmarisi zaa. |
|
| 7 |
|
| O daa laɣim teeku kom kaman luɣuluɣu ni kom la n-sɔŋ luɣ’ yini. O daa nam bula niŋ di biɛhigu shɛhi. |
|
| 8 |
|
| Dunia ŋɔ binshɛɣukam zaa, zomiya Yawɛ! Dunia ŋɔ salinim’ zaa, lumiy’ o sizuura! |
|
| 9 |
|
| Dama o daa yɛlimi, ka di niŋ. O daa zal’ li zaligu, ka di ba n-zani. |
|
| 10 |
|
| Yawɛ chɛ ka zuliya balibu kam nianim’ kpalindi yoli; ka lan chɛ ka bɛ ni lo nia ni bɛ niŋ shɛm zaani soli. |
|
| 11 |
|
| Amaa Yawɛ ni lo nia shɛŋa nyɛla din kul ʒiɛya sahakam. Ka o suhu ni tɛha ni nyɛ shɛm kul ni be ʒiɛmani kam ni. |
|
| 12 |
|
| Zuliya shɛb’ bɛn Naawuni nyɛ Yawɛ mali alibarika; ka o ni pii ninvuɣ’ shɛba n-leeg’ o niriba mali alibarika. |
|
| 13 |
|
| Yawɛ bela alizanda ni, ka lihiri dunia ŋɔ ni na n-nyari ninsalinim’ zaa. |
|
| 14 |
|
| O ʒila o nam ʒiishee, ka lihirina n-nyari ninsalinim’ zaa bɛn be dunia ŋɔ ni. |
|
| 15 |
|
| Ŋuna n-nam bɛ zaa suhuri, ka mi bɛ ni niŋdi shɛlikam zaa. |
|
| 16 |
|
| Naa bi diri nasara tɔb’ ni la o tɔbbihi galisim zuɣu, ka tɔbutuhiri’ biiŋa mi bi diri nasara la o kpiɔŋ zuɣu. |
|
| 17 |
|
| Ka tɔbutuhiri’ yuri ku tooi ti nir’ nasara, ka bɛ kpiɔŋ din galisi pam la ku tooi tiligi so. |
|
| 18 |
|
| Yɛlimaŋli, Yawɛ nyɛla ŋun guli ninvuɣ’ shɛb’ bɛn lur’ o sizuura mini bɛn mali tahima zaŋ chaŋ o yurilim maŋli ŋɔ polo, |
|
| 19 |
|
| ni o tiligi ba kum ni, ka dihiri ba kum saha. |
|
| 20 |
|
| Yawɛ sani ka ti mali tahima. Ŋuna n-nyɛ ti sɔŋsim mini ti nyɔtaɣirigu. |
|
| 21 |
|
| Ti mali suhupiɛlli o zuɣu, ti ni niŋ o yuli din be kasi ŋɔ naani zuɣu. |
|
| 22 |
|
| Yawɛ, chɛ ka a yurilim maŋli ŋɔ kul be ti sani, ti ni mali tahima a san’ la zuɣu. |
|
|
|
|