×

Biblia Ande Chib Romani 2018

Psalms 33

1
Bariaren e Devle, e llene chache, kana e chache llilaben e Devleke, o blagosipe asundol sukar.
2
Den fala e Devle ta basalen e arpa, llilaben ta basalen o salterio,
3
llilaben leke iek llili nevi, ¡kana bariaren e Devle cheren le sukar!
4
O alav e Devleko si chachuno, e ezgode kai cherda sikaven kai si chacho.
5
O Del volil o chachipe ta so si orta, ¡leko volipe pherel sa o sueto!
6
Katar o alav e Devleko cherdilo o miloso, katar o duo kai likel katar leko mui, cherdile e cheraia.
7
Vou chidel pe iek than o pai katar e mora e bari.
8
Blagosin e Devle sa e manusa kai si pe phuv, ¡den le liubao sa o sueto!
9
Soke vou dia orba, ta sa cherdilo, vou phenda, ta sa achilo sar vou phenda.
10
O Del muril sa so mangen te cheren e forura kai ni pachan ande lete,
11
a e ezgode kai o Del mangel te cherel ni murinpe nikada ta von si ostade.
12
Blagosime o foro kai leko Del si o Gazda, o foro kai vou esvirisarda peke.
13
O Del dikhel katar o miloso ta dikhel pe sa e llene,
14
katar o than kai vou zivil dikhel pe llene kai zivin pe phuv,
15
vou cherda lenge lie ta llanel sa so cheren.
16
Ni iek charo ni braduilpe soke si le but boñikura, ni e llene tromane ni braduinpe soke si zurale,
17
e grastenchar nasti dobi nika, i te avena but zurale, nasti braduin.
18
A o Del suako llive arakhel golen kai den le liubao ta kai si len vera ande leko volipe,
19
te braduil len katar o meripe ta te del len zivoto kana inai so te jalpe.
20
Amen si amen vera ando Del, ¡Vou pomozil amen ta arakhel amen!
21
Amare lie veselinpe ando Del, si amen iek bari vera ande leko santo anav.
22
¡Cho volipe Devla, te avel amenchar, gia sar adurichara tutar!
Romani Ursari Bible 2018
Biblia ande chib Romani Sociedad Bíblica Chilena, 2018
:
Save Notes