×

أَتَّوْرَتْ دَ أَنَّبَاوَا 2020

Zabura 34

1
كُواْيَوْشٜىٰ ذَنْ يَبِے يَهْوٜىٰهْ ، بَذَنْ دَيْنَ يَبُوانْسَبَ؞
2
رَيْنَ ذَيْ يَبِے يَهْوٜىٰهْ ، بَرِ دُكْ مَرَسَ ڧَرْڢِے سُجِ سُيِ مُرْنَ؞
3
كُغِرْمَمَ يَهْوٜىٰهْ تَرٜىٰدَنِ، بَرِ مُطَوْكَكَ سُونَنْسَ تَرٜىٰ!
4
نَضُواْڧِ يَهْوٜىٰهْ ، يَأَمْسَمِنِ، يَكُٻُتَرْ دَنِے دَغَ دُكَنْ ڟُواْرُواْنَ؞
5
مَيْ ظُبَ عِدُواْ أَغَرٜىٰشِ، ڢُسْكَرْسَ ذَاتَيِ حَصْكٜىٰ دُوانْ ڢَضٍ ثِكِ، كُنْيَا بَذَاتَ رُڢٜىٰ ڢُسْكَرْسَبَ؞
6
وَنَّنْ مَرَرْ ڧَرْڢِے يَيِكِرَا، يَهْوٜىٰهْ يَأَمْسَ مَسَ، يَثٜىٰثٜىٰشِ دَغَ دُكَنْ وَهَلَرْسَ؞
7
غَ مَاسُ ڟُواْرُوانْ يَهْوٜىٰهْ ، مَلاَىِٕكَنْسَ يَكَنْ كَڢَ سَنْسَنِنْسَ كٜىٰوَيٜىٰ دَسُو يَكَنْ كُوَ كُٻُتَرْ دَسُو؞
8
كُطَنْطَنَ كُغَ يَهْوٜىٰهْ مَيْ أَلْحٜىٰرِنٜىٰ، مَيْ أَلْبَرْكَنٜىٰ وَنْدَ يَسَامِ وُرِنْ ٻُيَ عَثِكِنْسَ؞
9
كُجِڟُواْرُوانْ يَهْوٜىٰهْ ، يَا كُو ڟَرْكَكَنْسَ، غَمَا مَاسُ ڟُواْرُوانْسَ بَاسَ رَسَ كُواْمٜىٰ؞
10
كُواْ ذَاكُواْكِ مَاسُ ڧَرْڢِے مَا سُكَنْ رَسَ عَبِنْثِ سُجِ يُنْوَ، عَمَّا مَاسُ نٜىٰمَنْ سَنِنْ يَهْوٜىٰهْ بَاسَ رَسَ أَبُ مَيْݣَوْ؞
11
كُذُواْ، يَارَنَ، كُسَوْرَرَتَ، ذَنْ كُواْيَ مُكُ يَدَّ ذَاكُجِڟُواْرُوانْ يَهْوٜىٰهْ ؞
12
وَنٜىٰنٜىٰ يَكٜىٰسُواْ يَجِ دَاطِنْ رَايُوَا؟ وَنٜىٰنٜىٰ يَكٜىٰسُواْ يَغَ ݣُونَكِے مَاسُ ݣَوْ؟
13
تُواْ، سَيْ يَكَمٜىٰ هَرْشٜىٰنْسَ دَغَ مُغُنْتَا يَكُمَ كَمٜىٰ بَاكِنْسَ دَغَ يِنْ ڧَضْيَا؞
14
يَرَبُ دَ مُغُنْتَا، يَيِ كِرْكِ، يَنٜىٰمِ سَلَمَ دَ دُكَنْ ذُوثِيَارْسَ؞
15
إِدَانُنْ يَهْوٜىٰهْ سُنَ عَكَنْ مَاسُ أَدَلْثِے، كُنُّوَنْسَ كُمَ سُنَ جِنْ كُوكَنْسُ؞
16
ڢُسْكَرْ يَهْوٜىٰهْ تَنَ ڧِنْ مَاسُ عَيْكَتَ مُغُنْتَا دُوانْ عَكَوَرْ دَ تُنَانِنْسُ تَتَّسْ دَغَ دُونِيَا؞
17
مَاسُ أَدَلْثِے سُكَنْيِ كُوكَا، يَهْوٜىٰهْ كُوَ يَكَنْ جِيسُ، يَكَنْ كُٻُتَرْ دَسُو دَغَ دُكَنْ وَهَلُواْلِنْسُ؞
18
غَ وَطَنْدَ أَنْكَرْيَ مُسُ ڧَرْڢِنْ ڠُوِوَ، يَهْوٜىٰهْ يَنَ كُسَدَسُو، يَكَنْ كُٻُتَرْدَ مَاسُ ڢِدَّ ذُوثِيَا؞
19
مَيْ أَدَلْثِے يَكَنْ سَامِ وَهَلُواْلِ دَيَوَ، عَمَّا يَهْوٜىٰهْ يَكَنْ كُٻُتَرْ دَشِ دَغَ ثِكِنْسُ دُكَ؞
20
يَكَنْ كِيَايٜىٰسُ غَبَاطَيَ، بَ كُواْ ڧَشِنْسُ طَيَ دَ ذَاعَ كَرْيَ؞
21
مُغُنْتَا ذَاتَ كَشٜىٰ مُوغَيٜىٰ، ذَاعَ حُكُنْتَ وَطَنْدَ سُكٜىٰڧِنْ مَاسُ أَدَلْثِے؞
22
يَهْوٜىٰهْ ذَيْ ڢَنْشِ رَنْ بَايِنْسَ، مَاسُ نٜىٰمَنْ وُرِنْ ٻُيَ أَغَرٜىٰشِ، بَذَاعَبَاسُ لَيْڢِے بَ؞
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula