|
| 1 |
|
| Ka blagosiv e Devle sa o vreme, suako llive ka blagosiv le. |
|
| 2 |
|
| Me cherav baripe ando Del, ¡asunen ta veselin tumen e llene kai ni sen barikane! |
|
| 3 |
|
| Blagosisara saurre ande iek avazi e Devleko baripe. |
|
| 4 |
|
| Llelem kai o Del ta dia man anglal, ta lia mandar sa mi dar. |
|
| 5 |
|
| Gola kai dikhen po Del pherdon veselia ta nikada ni ka achen ando lallao. |
|
| 6 |
|
| Me, kai ni mol man niso, diem mui e Devle, ta vou asunda man ta braduisarda man katar sa me nuzde. |
|
| 7 |
|
| O suecho e Devleko lodel truial katar gola kai den le liubao. |
|
| 8 |
|
| Zumaven ta dikhen kai o Del si lacho. ¡Blagosime o lleno kai si le vera ande lete! |
|
| 9 |
|
| Blagosin e Devle tumen kai sen leko foro, soke niso ni ka trubul golen kai blagosin le. |
|
| 10 |
|
| E barvale cherdon chorre, ta nakhen bok a gola kai roden e Devle nikada ni trubul len nisavi ezgoda. |
|
| 11 |
|
| Aven chaurralen ta asunen man, ka sikavav tumen te den liubao e Devle. |
|
| 12 |
|
| ¿Mange te zivi but burs? ¿Mange te avel chuke drago o zivoto? |
|
| 13 |
|
| Achav chi chib katar e orbe bilache ta phande cho mui kana mangel te kojavel, |
|
| 14 |
|
| duriu katar o bilachipe ta cher o lachipe, rode e pas, ta lla pala la. |
|
| 15 |
|
| O Del arakhel e llenen kai si chache ta asunel len kana molinpe. |
|
| 16 |
|
| O Del si joliariko pe bilache llene ta ikanel katar e phuv lengo mislo. |
|
| 17 |
|
| O Del thovel sama e lleneke kai si chacho, ta braduil le katar sa leke nuzde. |
|
| 18 |
|
| O Del si pase te braduil e llenen kai si phago lengo lio ta kai ni llanen so ka cheren. |
|
| 19 |
|
| O lleno kai si chacho nakhel but bilache ezgode, a o Del ikanel le katar sa. |
|
| 20 |
|
| O Del arakhel leki esnaga, ta ni mukel te phagen ni iek katar leke kokala. |
|
| 21 |
|
| E llene bilache isto lengo bilachipe mundarel len, gola kai murzin pe llene chache, ka aven dukhade. |
|
| 22 |
|
| A o Del ka braduil o zivoto katar leke sluge, ¡ta ni ka aven dukhade gola kai si len vera ande lete! |
|
|
|
|