Sa tibuok kong kasingkasing moingon ako sa Ginoo, “Wala gayoy sama kanimo! Gipanalipdan mo ang mahuyang gikan sa mga gamhanan, ug ang mga kabos gikan sa madaugdaugon.”
sama sa pagpangaliyupo alang sa usa ka higala o igsoon. Bisan asa ako paingon, nagduko ako ug nagbangotan sama sa nagbangotan tungod sa kamatayon sa usa ka inahan.
Ayaw itugot nga ang akong kaaway, ang mga bakakon, magmaya sa akong kapildihan! Ayaw itugot nga kadtong nagbugalbugal kanako sa walay katarongan maglipay sa akong kasub-anan!
Hinaot unta nga kadtong nagmaya tungod sa akong giantos maparot sa hingpit ug malibog. Hinaot unta nga kadtong naghunahuna nga mas maayo sila kay kanako maulawan pag-ayo!
Hinaot nga kadtong miila nga ako dili sad-an mosinggit sa kalipay ug magsublisubli pag-ingon, “Gamhanan ang Ginoo; malipay siya sa kadaogan sa iyang alagad.”