Fɔs Oli Baybul 2013
|
| 1 |
| Na sin de mek di bad man yɛri ɔlkayn bad tin insay in at. I nɔ de tink sɛf se i fɔ fred PAPA GƆD. |
| 2 |
| I tink se in na ɔl di go ɛn nɔ no sɛf se i de du rɔŋ |
| 3 |
| Na lay nɔmɔ ful in mɔt; i dɔn tɔn fulman ɛn nɔ no wetin i min fɔ du gud igen |
| 4 |
| We i de slip sɛf, na bad i de mɛmba; if yu kɔl am ɛnitɛm fɔ du bad, i rɛdi i nɔ de se “nɔ” wɛn tɛm rich fɔ du bad. |
| 5 |
| PAPA GƆD, wi nɔ ebul mɛzhɔ di lɛk we yu lɛk wi. Yu de du wetin yu se yu go du. |
| 6 |
| Yu nɔ miks pan bɛnbɛn wi kin trɔs yu jɔjmɛnt, as i tinap lɛk kɔtintri we briz nɔ de shek PAPA GƆD, yu de provayd fɔ wi mɔtalman ɛn di animal dɛn ɔl we yu mek. |
| 7 |
| Wi nɔ go gi prayz to yu lɔv! Yu de kɔba big ɛn smɔl wan lɛkɛ aw fɔl de kɔba in pikin. |
| 8 |
| Yu de mek dɛn frɛsh we yu de gi dɛn gud it ɛn drink lɛkɛ aw frɛsh wata kin de flo. |
| 9 |
| Na yu de gi layf ɛn nainsay yu wi de si wi we klia na layf. |
| 10 |
| Kɔntinyu fɔ sho yu lɔv to udat no yu ɛn de sav yu as PAPA GƆD, ɛn lɛ udat lɛk fɔ du wetin rayt gɛt di bɛnifit. |
| 11 |
| Nɔ mek dɛn wan we min se dɛn na ɔl di go mas mi, ɛn nɔ lɛ di bad wan dɛnsɛf buli ɛn drɛb mi. |
| 12 |
| Luk aw ɔl di bad wan dɛn dɔn fɔdɔm kpatakpata dɛn nɔ ebul grap igen |
| Sev Notis dɛn |
https://beblia.bible:81/BibleAudio/krio/psalms/036.mp3
150
36