|
| 1 |
|
| Anịlẹ obi gbaka ị makẹ ndị-njọ; akanlẹni ndị e mẹ eje-ihiẹn, |
|
| 2 |
|
| makẹni wẹ k'e shinwụnkẹnrin kẹ ẹfịfịa, wẹ k'e nwunbehi ẹhụhụọ-oyiyi ẹhụhụọ-oyiyi. |
|
| 3 |
|
| Gi Osolobuẹ dọn ẹnya, e mẹ mma; biri alị ị rị, e ri ihiẹn ezi-omumẹ rị e wẹhẹ. |
|
| 4 |
|
| A nị ihiẹn Osolobuẹ a sụọ ị, o k'e ye i ihiẹn ndị ahụn rị a gụn obi i ẹgụn. |
|
| 5 |
|
| We oku i che ẹka Osolobuẹ; gi ẹ dọn ẹnya, o k'e mẹ ihiẹn banyen'ẹ: |
|
| 6 |
|
| Osolobuẹ k'a ghọsị nị ẹka ị rị ọchan mẹ ẹ pụha ifọn nọkẹ ebe eki nọ fọn, o mẹ mma ị rị e mẹ pụha ifọn kẹ anwụn efinaị. |
|
| 7 |
|
| La ihiẹn ile tọnị Osolobuẹ, y'e nwọn ndidin cheri ẹ; agbakalẹ obi nị ọ hụ a ghanị onyẹ rị e mẹ ihiẹn ẹ, onyẹ rị e rotọ eje-ihiẹn e mẹ ẹ. |
|
| 8 |
|
| Ewelẹ iwe; latọ ọnụma; ehuelẹ uhue, eje-ihiẹn sụọ k'o buhẹ. |
|
| 9 |
|
| Makẹni wẹ k'e gbupụ ndị e mẹ eje-ihiẹn, kanị ndị gi Osolobuẹ e dọn ẹnya k'e nwọnrin alị. |
|
| 10 |
|
| Ọ họdụhụ ẹkẹrẹ onyẹ-njọ a la; ị chọ wẹ ntan, chọ wẹ imọn ebe wẹ te rị, y'a hụnkọzị wẹ. |
|
| 11 |
|
| Kanị ndị e welụa enwẹn wẹ alị k'e weri alị, a gha ihun ọhụnma-ọhụnma. |
|
| 12 |
|
| Umẹ-umẹ kẹ ndị-njọ e zuni ndị ezi-omumẹ, e rini wẹ nkwẹnrẹn-eze; |
|
| 13 |
|
| kanị ẹmụ kẹ Osolobuẹ a mụ ndị-njọ, makẹni ọ marịngụọ nị ụhụọhịn wẹ lala alala. |
|
| 14 |
|
| Ndị-njọ e sepụha ọpịa-agha, dọzị ụta — nị wẹ gbatu ndị e welụa enwẹn wẹ alị lẹ ndị wẹ rị a bịangbu, nị wẹ gbu ndị obibi wẹ kụrụ ọtọ. |
|
| 15 |
|
| Kanị ọpịa-agha wẹ k'e zupu wẹ lẹ enwẹn wẹ akpobi; ụta wẹ k'e gungwọnpụ. |
|
| 16 |
|
| Ẹkẹrẹ hụn ezigbo ịhịan nwọn ka mma karị okẹn-ihiẹn ndị-njọ nwọn; |
|
| 17 |
|
| makẹni wẹ k'a napụ ndị-njọ ikẹn, kanị Osolobuẹ k'e dọnmẹ ndị ezi-omumẹ. |
|
| 18 |
|
| Osolobuẹ rị ndị nwọnlẹni nkọrịanị azụụn ụhụọhịn-ụhụọhịn, ihiẹn wẹ k'a rị jẹnrin ejẹn. |
|
| 19 |
|
| Eshinwụnkọ wẹ ogẹn nsọngbu; wẹ k'e nwọn ihiẹn-oriri ọda ogẹn ụnwụn. |
|
| 20 |
|
| Kanị ndị-njọ k'a la iwi; ndị-iṅẹnrẹn Osolobuẹ k'a nọ kẹ mma obobo ọfịa; wẹ k'e fopụ, fopụ kẹ ẹnwụnrụn. |
|
| 21 |
|
| Ndị-njọ e zinrin bụ w'a ra kụ, kanị ezigbo ịhịan a ha ẹka. |
|
| 22 |
|
| Alị k'e họnrin nke ndị hụn Osolobuẹ gọzi, kanị owepụ kẹ wẹ k'e wepụ ndị hụn ọ bụ ọnụ. |
|
| 23 |
|
| Omẹni obibi ịhịan sụọ Osolobuẹ, o mẹ ụkụ onyẹ hụ e ze; |
|
| 24 |
|
| ọ sụọn'a nị ọ kpọgburu akpọgburu, ọ dankọ, makẹni Osolobuẹ e gi ẹka a a ghọdọn ẹ. |
|
| 25 |
|
| E mẹghọ m nwata, m wụ nwan ẹgẹdi, m'e ke hụn ebe Osolobuẹ nọ la ndị ezi-omumẹ tọ mọbụ nị ụmụ wẹ rịọma ihiẹn-oriri. |
|
| 26 |
|
| W'a ha ẹka ogẹn ile, e zinye ndị ọzọ ihiẹn; ụmụ wẹ k'a wụ ngọzi. |
|
| 27 |
|
| La eje-ihiẹn tọ, mẹmẹ mma, ya kẹ y'a nọ bi jẹnrin ejẹn. |
|
| 28 |
|
| Makẹni ndị e mẹ ihiẹn furuni a sụọ Osolobuẹ a sụọ; ọ latọkọ ndị nsọ a. O che wẹ nche jẹnrin ejẹn, kanị wẹ k'e gbupụ ụmụ ndị-njọ; |
|
| 29 |
|
| alị k'e họnrin nke ndị ezi-omumẹ, e biri wẹ ẹ jẹnrin ejẹn. |
|
| 30 |
|
| Oku hụn a gha onyẹ ezi-omumẹ ọnụ a pụha wụ amamihiẹn-amamihiẹn; ezioku-ezioku k'o ku. |
|
| 31 |
|
| Iwu Chuku ẹ rị a imẹ obi, ụkụ a ara kpopụ. |
|
| 32 |
|
| Ndị-njọ a warị e che ndị ezi-omumẹ, a chọ nị wẹ gbu wẹ; |
|
| 33 |
|
| kanị Osolobuẹ alakọ wẹ tọnị wẹ mọbụ nị wẹ hangbu wẹ eṅẹn imẹ ọgwa. |
|
| 34 |
|
| Cheri Osolobuẹ, y'e sọnsọnmẹ ụzọ a. O k'e bushi i elu kẹni alị hụn ụzọ họnrin nke i; ị k'a hụn kẹ wẹ gbupụ ndị-njọ. |
|
| 35 |
|
| A hụnghọ m eje-ịhịan hụn ghalẹni e mẹ omikẹn ịhịan kẹ ọ rị e mẹ wokowoko kẹ osisi rị alị ọ nọ e sue ọhụnma, |
|
| 36 |
|
| kanị o bieni nke ẹ a gụ, ọ rịzị a; a chọ m'a, ahụnzịnị m'a. |
|
| 37 |
|
| Lekpọ onyẹ nwọnlẹni nkọrịanị; leledẹle onyẹ obibi ẹ kụrụ ọtọ; o k'a masịnị onyẹ-udọn ihun. |
|
| 38 |
|
| Kanị wẹ k'e tikpọchanrịn ndị-njọ ile; ọ masịkọnị ndị-njọ ihun. |
|
| 39 |
|
| Ẹka Osolobuẹ kẹ nzụọpụha gha a bịanị ndị ezi-omumẹ; ịya e kpumẹ wẹ ogẹn nsọngbu. |
|
| 40 |
|
| Osolobuẹ e yeni wẹ ẹka, a gbapụha wẹ; ọ gbapụha wẹ ẹka ndị-njọ, mẹ wẹ hụn isi makẹni ịya kẹ wẹ gbọnni. |
|
|
|
|