|
| 1 |
|
| Hy Abeipa, hiehâhpa ta na ra leipa la, Pathi iapa ta na chhorei khah y! |
|
| 2 |
|
| Na châtaizy kei liata a chaloh ta, Na ku ta eina nâ chi. |
|
| 3 |
|
| Na palôh châ leina vâta, Ei sapa hriiah pathaih leipa ta; Ei moleina vâta, Ei ruzy tlâh vei. |
|
| 4 |
|
| Ei paraona ta ei luh na vao ta, Phaohri hawhta thata eina vi. |
|
| 5 |
|
| Ei hruna kyh vâta, Ei hmahzy thupa ta pahnâh ta; |
|
| 6 |
|
| Nôpopa ta a khu na ta, Noh y ta pachârôhpa ta ei y. |
|
| 7 |
|
| Ei chai ei zôh thata palo ta, Ei sapa hriiah pathaih vei. |
|
| 8 |
|
| Thachhâ panaopa ta y na ta, Palôh pasapa ta thata ei hrô. |
|
| 9 |
|
| Hy Abeipa, ei khopa hmo cha na hmiakô liata y ta, Ei hrôna chhao he nâma tawhta nyupa châ vei. |
|
| 10 |
|
| Ei châh-ao a chalyu ta, Ei tha eina chhâ khâh; Ei mo pavâna chhao, Eina leisai haw. |
|
| 11 |
|
| Ei hri ohpa vâta, Ei viasa lôhkhyzy ta nâ hla ei ta, Ei heinawhzy taihta eina chahrih ei. |
|
| 12 |
|
| Ei hrona la a chhuahpazy ta khoheih na chôkhâh ei ta, Na pasasa a chhuahpazy ta raona bie reipa ta, Noh y ta haipa bie tao awpa ama pachâ tyh. |
|
| 13 |
|
| Châhrasala kei cha nahpâpa hawhta châ na ta, Khâpa hmah thei va na; Reih pathlie thai leipa hawhta y na ta, Ei pakah â va na. |
|
| 14 |
|
| Bie a thei leipa nahpâpa hawhta châ na ta, A pakah liata chhoreina bie a y leipa hawhta ei châ. |
|
| 15 |
|
| Châhrasala Hy Abeipa y, Kei cha nâma châ hâpa châ na ta, Hy Abeipa ei Khazohpa y, Nâ chhy awpa cha nâma na châ. |
|
| 16 |
|
| “Ei phei â chakhao tita, Nâ palai thlu tyhpazy ta, Ama palôh einâ eih awpa ei pasaih khah y,” tah na ta. |
|
| 17 |
|
| Ei chô liata pasana khâ y ta, Pao awpa ta ei mâ haw. |
|
| 18 |
|
| Ei paraona palâhâh na ta, Ei moleina vâta pei ei tah ngaita. |
|
| 19 |
|
| Ei khakhaipazy cha thatlôpa nata pasaiphazy châ ei ta, Âdoleipa ta nâ haotuhpazy ama hluh kaw. |
|
| 20 |
|
| Âmo chata phana cha chhiena ta na thô ei ta, Phana ei khohpa vâta eina leih ei. |
|
| 21 |
|
| Hy Abeipa, na siesai leipa la, Hy ei Khazohpa, nâ hla khah y! |
|
| 22 |
|
| Hy ei pachhana Abeipa y, Na bao awpa ta a para mah y! |
|
|
|
|