Ika Bible 2018
|
| 1 |
| M te sị, “M k'a kpachanpụkwọ ẹnya, kwọndọn ire m amamgbe m'e gi ẹ mẹ njọ; m k'a kwakin ọnụ m, ogẹn ọwụlẹ onyẹ-njọ rị m nsue.” |
| 2 |
| Kanị e kpumẹ m nwan ọnụ, gbachanrịn nkịtịn — ekudẹni m ihiẹn rị mma — ihiẹn rị a fụnị m nọ waye. |
| 3 |
| Obi hụ e nwun m ọkụn; m gha e ro ya wụ ihiẹn, obi hụkwọ e nwun m ọkụn; ya m nọ kumẹ: |
| 4 |
| “Osolobuẹ dodo, mẹ m marịn kẹ m k'a tọhan, ebe m k'e biru; nị m marịn nị ogẹn m rị a gha ozigbo-ozigbo. |
| 5 |
| Y'e mẹgụọ ogẹn m mẹ ntịn kẹ ọb'ẹka mmaka; ogẹn m enwọn k'ọ han ị ẹnya, ndụn ịhịan wụhụ uzun. |
| 6 |
| Ịhịan wụhụ onyinyọn mmaka; ọlụkpọ a ile wụ ihiẹn mmaka; ọ kpatọ akụ-lẹ-ụba bụ ọ marịn onyẹ k'e nwọnrinn'ẹ. |
| 7 |
| Kị m'e gi nwan dọn ẹnya, Osolobuẹ? Ịyụ kẹ m gi dọn ẹnya. |
| 8 |
| Zụọpụha m imẹ njọ m ile; emẹkwọlẹ m wụrụ ihiẹn ndị-ẹwobi gi a mụ ẹmụ. |
| 9 |
| M te gba nkịtịn, n'a shịapụkọ m ọnụ, makẹni ịyụ mẹ ihiẹnni. |
| 10 |
| Dodo, fịanbehi m mkpịnsịn; ẹka-ịkpa ị e d'e gbu m. |
| 11 |
| Y'e gi ufiri njọ ịhịan a jụgbọ wẹ, e ye wẹ afụnfụn; y'e ripụ ihiẹn wẹ kpatọ lekẹ ẹkịka — onyẹ-onyẹ wụhụ uzun mmaka. |
| 12 |
| Osolobuẹ dodo nụ ekpere m, gọn ntịn ẹkwan m gi a rịọ ị eyemẹka; agbakwọlẹ m nkịtịn ẹkwan m rị a kwan. Makẹni abịamabịa rị nke i kẹ m wụhụ, otumunyẹ kẹ m wụ — nọkẹ ndị nẹdi m ile. |
| 13 |
| Dodo bupụ m ẹnya, nị m mụzị ẹmụ, m gini d'a la, a hụnbehi wẹ m.” |
| Save Notes |
https://beblia.bible:81/BibleAudio/ika/psalms/039.mp3
150
39