SEBR SÕNGO 1998
|
| 1 |
| Yɩɩlla bee yɩɩla naab la Levit dãmba sebrẽ. A Daviid yɩɩlle. |
| 2 |
| M da yeela m menga: «Maan gũusgu f vɩɩma pʋgẽ ne f goama. Kʋɩdg la f na n bao n tẽo f noore, nin-wẽng fãa sã n be f sɛɛgẽ.» |
| 3 |
| M paga m noor n ka le gomd ye, m sĩndgu meng waa n looga toogo, la m tooga waa n yɩɩga m zɩɩbo. |
| 4 |
| M sũura da widgda bugum m yãoogẽ. M yaamsã la bugma toolem kɩtame tɩ m gome. |
| 5 |
| Soaala, wilg-y maam m sẽn na n baas to-to, wilg-y m raara sẽn mag n tek zĩig ninga tɩ m bãng tɩ m bee rũnna n ka beoog ye! |
| 6 |
| M yõora woglem, nug pʋg yalem bala. Sã n ya ne yãmba, dẽ yaa zaalem. Ninsaal ne a keglem, yaa sobg bala. |
| 7 |
| Ninsaal kẽndame la a watẽ, wa sulunsuku, a sẽn samd goabg la rɩtgo, yaa sobg bala, sẽn sama menga a ka mi a wʋkd ye. |
| 8 |
| Woto wã, bõe la m na n gũ, Soaala? Y nengẽ bal la m saagr keta. |
| 9 |
| Fãag-y-m ne m yel-wẽna fãa. Da bas-y tɩ m wa lebg gãeemsa laad ye. |
| 10 |
| M sẽn mum m noorã a kõn le pak ye. M basda yãmb ne sẽn ketã, yãmb soog tʋʋm kãnga. |
| 11 |
| Da le pãb-y-m ye, tɩ y na n va-m lame n lubi. |
| 12 |
| Y sɩbgda ninsaala a zʋg tekr yĩnga, rasempʋɩɩg la y lobgd a yĩn-nongrã. Soaala, ninsaal yaa sobg bala! |
| 13 |
| Soaala, m kosgo la m kɛlenga lʋɩ y tʋbrẽ. Ges-y m nintãma sẽn daagde, kelg-y m yãbrã. M yɛsa y taoor wa sãan bala, m yaa noaka wa m saam-dãmba. |
| 14 |
| Bas-y-m bilf bala tɩ m noor le sɩng laado tɩ m yaool n loog la m menem zãnga. |
| Save Notes |
https://beblia.bible:81/BibleAudio/mossissdc/psalms/039.mp3
150
39