×

Ika Bible 2018

Ẹbụ-ọma 41

1
Onyẹ hụn a nyanhan ndị ogbẹnnyẹ e nwọnkẹ ngọzi. Ogẹn nsọngbu, Osolobuẹ a zụọpụha a azụọpụha.
2
Osolobuẹ e che ẹ nche, e dọnmẹ ẹ ndụn; ngọzi k'e sọn ẹ alị ọ rị. Y'a lakọ a tọnị ndị-iṅẹnrẹn ẹ.
3
Osolobuẹ e kwọndọn ndụn wẹ ogẹn emu; ọ zụọ wẹ emu wẹ ile.
4
Mmẹ nwẹn, a rịọ m, “Osolobuẹ, dodo mẹ omikẹn m; dodo, zụọ m, n'e mẹgụọ m'ị njọ.”
5
Ndị-iṅẹnrẹn m hụ e kuja oku m, a sị, “Elee mgbe kẹ ọnwụn e gidẹ nwan gbu ẹ, kẹni ẹfan a gụ?”
6
Onyẹ bịa d'a hụn m, ọ hụ e kuyeni m nke ọnụnụ-ire, kanị ọ chọhahụ ẹnya-nru, ọ pụ, o kinmẹ.
7
Ndị ize m e ze hụ e ku oku m, e roni m eje-ihiẹn.
8
Wẹ sị, “Eje-emu e kwọndọngụọ a, o lihikọ ebẹhụ o dinẹ.”
9
Kẹ ezigbo ọwụ m hụn m gi dọn ẹnya, ọwụ m mmẹ lẹ ịya gba e ri ihiẹn-oriri, e bugụọ nụmanị m.
10
Kanị yụ nwẹn Osolobuẹ, dodo mẹni m omikẹn; zụọ m, nị m hụn ụzọ mẹgwarị wẹ.
11
Ọnwan kẹ m'e gi marịn nị ihiẹn m a sụọghọ ị: nị y'a nịnị ndị-iṅẹnrẹn yi oro n'e mẹrigụọ wẹ m.
12
Kama, ị hụ e mẹ m e turu makẹni m kụrụ ọtọ; y'e bugụọ m che ihun i jẹnrin ejẹn.
13
Ọjịja-mma ya rịnị Osolobuẹ, Chuku Izrẹlụ! Ya rịn'a jẹnrin ejẹn! Isẹẹ! Isẹẹ!
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes