×

Ika Bible 2018

Ẹbụ-ọma 42

1
Kẹ mirin iyi rị e huni dọn a gụn ele, ẹrịra kẹ y'a gụn m, Chuku!
2
Ẹgụn Chuku rị a gụn m kẹ mirin, ẹgụn Chuku hụn rị ndụn rị a gụn m! Elee mgbe m'e gi jẹn ihun ẹ d'e fe ẹ?
3
M hụ a kwangbu enwẹn m, ụtụntụn lẹ ẹnyasị; wẹ hụ a jụ m ogẹn ile, “Elebe kẹ Chuku i rị?”
4
M'a kwan ntan, a kwan imọn, m gha a nyanhan kẹ mmẹ lẹ igunrun ahụn te dọn a wị e jẹn Ụlọ Chuku; lẹzi kẹ m dọn e buruni wẹ ụzọ, ẹnyi hụ e yi oro ịghọghọ, bụkọ ẹbụ ẹnyi gi a kpanmịn Chuku — okẹn igunrun rị e mẹ mmẹmmẹ!
5
Obi m, kẹ ndụn rị a gụn'ị? K'ị rị e sọngbuni m? Lemẹkwọ Chuku, nị m sikọ d'a jazị a mma; ịya wụ onyẹ e yeni m ẹka; ịya wụ Chuku m.
6
Ẹfọ arị a sụọ m ụsụọ! O mẹ m a nyanhan ị ebeni m rị, Chuku, alịnị ugu Hẹmọnụ lẹ ugu Miza rị, alịnị isi-iyi Jọdanị rị.
7
Okẹn mirin hụ a zụn ụzụn a zụnkwasị, okẹn mirin i hụn rị e hutu elu ugu ndịnị; wẹ hụ a kpọshi elu, a kpọlụa, e rukpumẹ m!
8
Efinnaị, Osolobuẹ hụ e mẹni m ihiẹn o gi wụ Chuku m; uhinhin, m hụ a bụn'a ẹbụ, ẹbụ m gi e mẹ ekpere e jẹnni Chuku m.
9
M sị Chuku hụn wụ ọmụma e che m nche, “Kị haịn i gi zọ m? Kẹ m k'a tọnị a kwan makẹ ndị-iṅẹnrẹn rị a bịangbuni m?”
10
Ẹmụ ndị iṅẹnrẹn m rị a mụ m hụ a fụru m ọkpụkpụ; wẹ hụ a jụ m, “Elebe kẹ Chuku i rị?”
11
Obi m, kẹ ndụn rị a gụn'ị? K'ị rị e sọngbu ni m? Lemẹkwọ Chuku, nị m k'a jazị a mma; ịya wụ onyẹ e yeni m ẹka lẹ Chuku m.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes