Ika Bible 2018
|
| 1 |
| Osolobuẹ wụ ikẹn ẹnyi lẹ onyẹ ẹnyi e gbọnni; eyemẹka a rịchanrịn ẹhụ-nsue ogẹn nsọngbu k'ọ wụ. |
| 2 |
| Ya wụ, egun atụkọ ẹnyi, ọsụọn'a nị alị zinzin mọbụ nị ugu ile danyesọnmẹ ohimin; |
| 3 |
| ọsụọn'a nị mirin rị ohimin rị a zụndẹ okẹn ụzụn, a kpọ ẹbi, a gbọ ụfọfọ; e bulidẹ, e mẹhunmẹ ugu ọda-ọda. |
| 4 |
| O nwọn iyi hụn mirin ẹ e mẹ wẹ a ghọghọ imẹ obodo Chuku, imẹ Ebẹhụ rị nsọ Onyẹ Kachanrịnnị bi. |
| 5 |
| Chuku rị imẹ obodo ahụn, onwọnni ihiẹn k'e mẹn'ẹ; Chuku k'a zọ ụzọ d'e yen'ẹ ẹka. |
| 6 |
| Alị ichẹn-ichẹn e susuhu; alị-eze wẹ hụ e mẹhunmẹ — olu Chuku hanhụ, ụwa ile e dẹnhin!! |
| 7 |
| Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche. |
| 8 |
| Bịa nị d'a hụn ihiẹn Osolobuẹ rị a rụn, k'o dọn rị e tikpọ ihiẹn elu-ụwa! |
| 9 |
| Ọ mẹ wẹ a lụbehi agha imẹ ụwa ile; ọ kpagisọnmẹ ụta, e gungwọnpụ obo, a dụn akpaịn ọkụn. |
| 10 |
| Ọ sị, “Kụsị nị! Gi n'ẹ dọn nị mmẹ wụ Chuku! Alị ile sikọ d'a gbaye m; Elu-ụwa ile k'a gbaye m!” |
| 11 |
| Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche! |
| Save Notes |
https://beblia.bible:81/BibleAudio/ika/psalms/046.mp3
150
46