Maayong Balita 2012
|
| 1 |
| Ang Dios amo ang aton dalangpan kag kusog, handa sa gihapon sa pagbulig sa tion sang mga kagamo. |
| 2 |
| Gani indi kita magkahadlok, bisan pa tay-ugon ang duta kag ang mga bukid magkalatumba pakadto sa kadadalman sang dagat, |
| 3 |
| bisan kon ang mga dagat magdaguhob kag magdalagku ang mga balod, kag tungod sini ang mga bakulod ginatay-og. |
| 4 |
| May isa ka suba nga nagadala sing kalipay sa siudad sang Dios, sa balaan nga balay sang Labing Mataas. |
| 5 |
| Ang Dios nagaestar sa sini nga siudad, kag indi gid ini maguba, sa kaagahon magaabot sia sa pagbulig sini. |
| 6 |
| Ang mga kapungsoran ginakugmat, ang mga ginharian ginapangtay-og, ang Dios nagadaguhob, kag ang duta nagakapugday. |
| 7 |
| Ang Ginoo sang mga hangaway kaupod naton, ang Dios ni Jacob aton dalangpan! |
| 8 |
| Dali kag tan-awa kon ano ang nahimo sang Ginoo! Tan-awa, kon daw ano ka makatilingala ang mga butang nga iya nahimo sa duta! |
| 9 |
| Ginapauntat niya ang mga inaway sa bug-os nga kalibutan, ginapamali niya ang mga pana kag mga bangkaw, kag ginapangtutdan niya ang mga taming! |
| 10 |
| Nagasiling sia, “Untata ang inyo pag-inaway, kag kilalaha ninyo nga ako amo ang Dios, labaw sa tanan nga mga kapungsoran, labaw sa bug-os nga kalibutan!” |
| 11 |
| Ang Ginoo sang mga hangaway kaupod naton, ang Dios ni Jacob aton dalangpan! |
| Save Notes |
https://beblia.bible:81/BibleAudio/ilonggo2012/psalms/046.mp3
150
46