×

RUAC KUƆTH IN RƐL RƆ 1998

Diit 46

1
Kuoth ɛ gääŋdan kä ɛ buɔ̱mdan, kä la luäkɛ naath kɛ rik.
2
Kɛ kui̱c ɛmɔ, /cakɔ bi dual cäŋ bi piny rɔ rit, ɛ cäŋ bɛ pääm lath ni piny yiëër,
3
ɛ cäŋ bi pi̱ yiëër röt ro̱t kä bi pääm thia̱y kɛ lath.
4
Tëëkɛ kir mi no̱ŋ pi̱kɛ wec Kuɔth tɛ̈th lɔaac, gua̱a̱th cieŋä Kuɔth in Dit ni Jɛn min rɛl gɔɔydɛ rɔ.
5
Te Kuoth rɛy wec thilɛ mi bi wec wany, bi Kuoth ɛ luäk ni bakä ɣɔaa.
6
Döör cikɛ dual, kä cɛ kuääri lath, cɛ jɔwdɛ kap nhial, kä cu piny thia̱y.
7
Te Kuoth Nhial in la Ruey Ɣɔaa kɛɛl kɛ kɔ, Kuoth Je-kɔb ɛ gääŋda.
8
Bër nɛn lät Kuɔth Nhial, nɛnɛ cɛ wi̱c muɔ̱ɔ̱n jak kä day i̱di.
9
Cɛ ko̱o̱ri ka̱p cuɔ̱ŋ pëkni ɣɔaa diaal, cɛ bääri töl kɛnɛ mutni, cɛ köötni waŋ kɛ mac!
10
“Pa̱lɛ rɔ̱ piny, ŋa̱cɛ jɛ ɛn ɣöö ɛ ɣän Kuoth! Di̱t ni ɣän rɛy dööri, di̱t ni ɣän wi̱i̱ muɔ̱ɔ̱n!”
11
Te Kuoth Nhial in la Ruey Ɣɔaa kɛɛl kɛ kɔ, Kuoth Je-kɔb ɛ gääŋda.
Nuer Bible 1998
Nuer Bible Bible Society in South Sudan 1998, 2012
:
Tɔ̱a̱w Notethni̱