Naawuni Kundi Kasi 2011
|
| 1 |
| Zuliya kam zaa, Kpahimiya yi nuhi, duhimiya yi yɛhi yili suhupiɛlli yila paɣi Naawuni. |
| 2 |
| Dama Yawɛ ŋun nyɛ Zallakudura Naa ŋɔ n-nyɛ ŋun simdi sizuura lubu. Ŋuna n-nyɛ na’ titali. Ŋuna n-su dunia ŋɔ zaa. |
| 3 |
| Ŋuna n-tuhi nyaŋ’ sokam zaa, ka chɛ ka ti su zuliya kam zaa. |
| 4 |
| Ŋuna m-pii ti tarili ni nyɛ shɛli ti ti, din nyɛ Yaakubu so o ni yuri la ni nyuri bara shɛli zuɣu la. |
| 5 |
| Naawuni duya nti ʒini o nam ʒiishee ni tahigu. Yawɛ duya ni kikaa kumsi. |
| 6 |
| Yilimiya wumpaɣibo yila paɣi Naawuni. Yilimiya wumpaɣibo yila! Yilimiya wumpaɣibo yila paɣi ti naa maa. Yilimiya wumpaɣibo yila! |
| 7 |
| Naawuni n-nyɛ dunia ŋɔ zaa naa; Yilimiya yila paɣ’ o! |
| 8 |
| Naawuni ʒila o nam ʒiishee din be kasi la. Ŋuna n-nyɛ zuliya kam zaa naa. |
| 9 |
| Zuliya kam nanim’ laɣim pahi Ibrahimma Naawuni la niriba zuɣu. Naawuni n-su dunia ŋɔ yiko zaa. Ŋuna n-simdi duhibu pam. |
| Save Notes |
https://beblia.bible:81/BibleAudio/dagbani/psalms/047.mp3
150
47