×

Ika Bible 2018

Ẹbụ-ọma 47

1
Ụnụ ndị alị ichẹn-ichẹn, kpọ nị ẹka! Gi ni ẹbụ ịghọghọ ja Osolobuẹ mma!
2
Makẹni, Osolobuẹ, Onyẹ hụn kachanrịnnị, rị egun; Eze ndị-nze k'ọ wụ elu ụwa ile.
3
Ịya mẹ alị ndị ọzọ e humẹni ẹnyi isi, bu alị ndị ọzọ che okpuru ụkụ ẹnyi.
4
Ịya hanye ẹnyi alị ẹnyini, hụn wụ ọghọ ẹnyi ụmụ Jekọpụ, Jekọpụ hụn rị a obi.
5
Chuku e weri ọnọdị a, oro a pụ! Osolobuẹ e weri ọnọdị a, opi a han!
6
Bụ nị nị Chuku ẹbụ ọjịja-mma; bụ nị ẹbụ ọjịja-mma! Bụ nị nị Eze ẹnyi ẹbụ ọjịja-mma; bụ nị ẹbụ ọjịja-mma!!
7
Makẹni Chuku wụ Eze ụwa ile, Gi ni ezigbo ẹbụ ja a mma!
8
Chuku wụ eze alị ile rị ichẹn-ichẹn; Chuku nọdị alị elu ukpo ẹ rị nsọ.
9
Ndị ọkịkị alị ichẹn-ichẹn e zugbama: wẹ wụ nke Chuku Ebraham, makẹni akpaịn ile rị elu ụwa wụ nke Chuku. Chuku e hikẹ ogbe!!
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes