Ñanderuete Ñe’ẽ Porã 2015
|
| 1 |
| Ituichaitereirasa Ñanderuete, upévagui toñemomba’eguasu ichupe itáva guasúpe ha icérro porãitépe. |
| 2 |
| Cérro neporãva, ha upépe oñemopu’ã yvate Jerusalen, ko táva ombovy’a yvyape ariguápe ha upépe oiko pe tetã ruvichaguasu. |
| 3 |
| Upépe Ñanderuete ojehechaukáta imo’ãhára ramo. |
| 4 |
| Upépe umi tetã ruvicha yvy ape arigua oñembyaty joaite, peteĩ ñe’ẽme oñemboja hag̃ua hendápe. |
| 5 |
| Ha ohecha vove hikuái pe táva, ipy’andýi, okyhyje hikuái, ha oñembopya’e pya’e okañy hag̃ua. |
| 6 |
| Upépe oryryipa hikuái ha tuicha oñemondýi ku kuña imembymbota ramoguáicha. |
| 7 |
| Nde reipeju kuarahyresẽgui ha rembyaipa umi barco guasu Tarsis pegua. |
| 8 |
| Rohendu haguéicha, upeichaite rohecha avei. Péva ningo ha’e Ñanderuete, yvága atykuéra Jára tavaguasu. Ñanderuete omohenda porã ko táva kóva opaite árape g̃uarã. |
| 9 |
| Nde, ore Ruete, nde rogaguasúpe oremandu’a nde poriahuvereko rehe. |
| 10 |
| Nde réra tuicha háicha, Nde, ore Ruete, peichaite avei ne ñemomba’eguasu, ha péicha nde réra oñemombe’úta yvy rugua paha peve, nde pu’aka henyhẽ justíciagui. |
| 11 |
| Ovy’a Jerusalen cérro ha opaite Juda tavakuéra, horyete opaite ne ñembojovake rehe. |
| 12 |
| Peguata Jerusalen jerekue rehe, ha pejerepa hese, peipapa hóga yvate oñemombaretéva. |
| 13 |
| Pema’ẽ porã ikorapyjere yvate rehe, ha pehecha umi hogaguasu, pemombe’u hag̃ua pene nemoñarenguérape. |
| 14 |
| Ñanderuete toiko ore Jaratee ramo opaite árape g̃uarã, Ha’e ñanesãmbyhyva’erã pe ñemano amo gotyove g̃uarãgui jepeve. |
| Guardar notas |
https://beblia.bible:81/BibleAudio/guarani2015/psalms/048.mp3
150
48