×

Ika Bible 2018

Ẹbụ-ọma 48

1
Osolobuẹ e hikẹ ogbe, o furu hụn w'a ja mma ọda-ọda imẹ obodo Chuku ẹnyi, elu Ugu ẹ rị nsọ wụ Zayọnụ.
2
Ugu ẹ rị nsọ jẹn elu hụn ma mma; ịya wụ ịghọghọ ụwa ile! Ugu Zayọnụ rọ — hụn rị njẹndemẹ ẹbamịn ugu obodo Eze-uku ahụn rọ.
3
Ebe ile wẹ nọ e che ẹhụ rị imẹ ẹ, Osolobuẹ a ghọsịgụọ n'ọ hụ ebẹhụ e che wẹ nche.
4
Eziẹ, ndị-nze ahụn a kịgbamaghọ, bịa d'a maye obodo Osolobuẹ.
5
Kanị, a hụn w'a, ọ tụ wẹ ẹnya, tụma wẹ egun, wẹ nọ gbama ọsọ!
6
Ẹhụ a mama wẹ nni, tụrụma wẹ, rịkẹ okpoho imẹ rị e mẹ.
7
Y'e gi okẹn ẹbi ẹbamịn ọwụwa-ẹnyanwụn e gungwọnpụdẹ okẹn ụgbọ-mirin Tashishi!
8
Kẹ ẹnyi dọn nụ otiti Osolobuẹ ẹrịra kẹ ẹnyi dọn rị a hụn ẹka a imẹ obodo Osolobuẹ, Onyẹ Ihiẹn ile rị okpuru ẹ, imẹ obodo Chuku ẹnyi; Chuku k'e dọnmẹ obodo ahụn jẹnrin ejẹn.
9
Euu Chuku, ẹnyi e rogụọ ihiẹn-ọsụsụọ ị, ẹnyi e ro ẹ imẹ Ụlọ-NSỌ ị.
10
Kẹ i nwọnhan Ẹfan, Osolobuẹ — ẹrịra kẹ wẹ dọn a ja ị mma elu-ụwa ile! Ẹka ị a rụnka ihiẹn furuni!
11
Ẹfọ hụ a sụọ ndị Zayọnụ ụsụọ! Ndị bi obodo ile rị Juda wẹ ghọghọma, makẹni y'a hanka ezigbo eṅẹn.
12
Ghahunmẹ ni obodo Zayọnụ, gụnkwama nị ụlọ-nche ndị rịn'a;
13
lekpọ nị mgbọn ẹ ile, gụnkwama nị okẹn ụlọ a ile kẹni ụnụ hụn ụzọ gwa agbọ ndị lalanị ya.
14
Makẹni, Chukuni wụ Chuku ẹnyi jẹnrin ejẹn; ịya k'e duzikwọ ẹnyi jẹnrin ejẹn.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes