×

WẼNNAAM SEBRE 2014

Yɩɩla 48

1
A Koore yagensã yɩɩlle.
2
Sẽn-Ka-Saab yaa kãsenga, la b zemsa ne waoogre. Tõnd Wẽnnaamã tẽng pʋg sẽn yaa bãmb tãn-sõngã.
3
Kunkubrã tara ra-sãnde, a kõta dũniyã fãa sũ-noogo. Sɩyõ tãngã kɩreng ning sẽn teesd rɩtgã yaa rĩm-kãsengã tẽnga.
4
Wẽnnaam sã n be tẽngã na-yiy pʋse, b yaa pãng zĩiga.
5
Bala, rĩm-dãmbã rag n naaga taaba, n na n kẽng n tɩ zab ne Sɩyõ.
6
Bãmb gesame n yɛɛse, rabeem yõka bãmb tɩ b zoe.
7
Bãmb sɩnga rigb ne rabeem beenẽ, wa pag sẽn kũmd rogem,
8
tɩ wẽnd wa yaang sobg sẽn wãad Tarsɩɩs koom kogendo.
9
Tõnd sẽn wʋm bũmb ningã, tõnd yãnda bõn-kãng Sẽn-Ka-Saab sẽn yaa Saasẽ-Pãng-Soabã tẽngẽ, tõnd yãnd-a-la tõnd Wẽnnaamã tẽng pʋga. La yaa Wẽnnaam n yẽbg-a wakat fãa yĩnga.
10
Wẽnnaam, yãmb doogã pʋga, tõnd tagsda yãmb nonglmã yelle.
11
Wẽnnaam, yãmb yʋʋrã sẽn yi to-to wã, Yãmb pẽgrã saaga dũniyã tɛk fãa me a woto. Yãmb nug-rɩtg pida ne tɩrlem.
12
Sɩyõ tãngã maanda sũ-noogo, la Zʋʋda kom-pugli wã kɩdemdame, yãmb tɩrlem bʋ-kaoorã yĩnga.
13
Kẽn-y n gilg-y Sɩyõ tẽngã, n sõd a gãsdã.
14
Maag-y y meng n ges a lalsã sẽn gũbgã, la y ges a na-yiyã, n wa tõog n dɩk-a n togs zamaan ning sẽn watã.
15
Bala, Wẽnnaam-kãngã yaa tõnd Wẽnnaam wakat sẽn kõn sa. Bãmb n na n tɛ tõnd n tãag d yõor tɛka.
Mossi MPBU 2014
Moore Bible Bible Society of Burkina Faso, 2014
:
Save Notes