Ika Bible 2018
|
| 1 |
| Gọn ni ntịn, ndị alị ile! Gọn ni ntịn, ndị ile bi elu-ụwa — |
| 2 |
| kẹ ndị uku kẹ ndị nta, kẹ ọdanfịn kẹ ogbẹnnyẹ! |
| 3 |
| Oku-ọnụ m sikọ d'a wụ amamihiẹn, iroro-obi m sikọ d'a wụ nghọta. |
| 4 |
| M sikọ d'e leban itẹn ohu ẹnya, a kpọ m ụbọ kọwa itẹn m. |
| 5 |
| Kị egun k'a tụnị m ogẹn nsọngbu, makẹni ndị rị a chụnnị m e gigụọ eje-ihiẹn fihunmẹ m? |
| 6 |
| Wẹ rị e gi akụ-lẹ-ụba wẹ e dọn ẹnya, a nyan isi n'e nwọnkẹ wẹ ihiẹn. |
| 7 |
| Ịhịan asakọ ẹka gbarị isi nwẹnẹ ẹ; onwọnni ihiẹn w'a saẹka kụ Osolobuẹ gi gbarị isi. |
| 8 |
| Ndụn a ṅanranka; asakọ wẹ ẹka kụgụ ụgwọ a |
| 9 |
| hụn ịhịan e gi rị ndụn jẹnrin ejẹn, ya lẹ ili ahụnnị ẹnya. |
| 10 |
| O wegụọ ẹnya nị ndị marịn ihiẹn a nwụn anwụn, ndị marịnlẹni ihiẹn lẹ ndị-nzuzu a nwụnzịkwọ anwụn, a la ihiẹn wẹ nwọn a tọnị ndị ọzọ. |
| 11 |
| E biri wẹ imẹ ili jẹnrin ejẹn; nọdị ebẹhụ gha agbọ pụ agbọ, ọsụọn'a nị e nwọnghọ wẹ alị hụn a za ẹfan wẹ. |
| 12 |
| Kẹ ịhịan e mẹlẹ ọdanfịn ru, ọ tọkọ elu; ịhịan nọhụ kẹ anụmanụ a nwụnnị. |
| 13 |
| Lee ihiẹn e mẹ ndị “amarịnka m” lẹ ndị e sọnni wẹ lẹ ndị a kwadọn ndụnmọdụn wẹ. |
| 14 |
| Wẹ k'a wụrụ atụnrụn lakọ mmọn; ọnwụn e duru wẹ kẹ onyẹ e du atụnrụn; ndị kụrụ ọtọ k'a kị wẹ eki fọn, ẹhụ wẹ e retọ imẹ ili ebẹhụ, ahụnkọzị wẹ okẹn ụlọ wẹ hụ biri. |
| 15 |
| Kanị Osolobuẹ k'a gbarị m ẹka ọnwụn; n'o werighọ m. |
| 16 |
| Atụlẹ nwan egun makẹni ịhịan hi ọdanfịn, atụlẹ egun ni ihiẹn rị iwe ẹ a bawaye, |
| 17 |
| makẹni, o werikọ ihiẹn ọwụlẹ la mmọn; akụ-lẹ-ụba a esọnkọ a ban imẹ ili. |
| 18 |
| Ẹghẹẹ, ọsụọn'a nị o te hụ a ja enwẹn ẹ k'ọ rị ndụn kẹ w'a ja onyẹ ihiẹn rị a ghanị, |
| 19 |
| o k'a nwụn laburu ndị nẹdi ẹ wẹ jẹnrin ejẹn, ahụnkọzị wẹ ukpẹ. |
| 20 |
| Ọdanfịn nwọnlẹni nghọta nọhụ kẹ anụmanụ hụn a nwụnla iwi. |
| Save Notes |
https://beblia.bible:81/BibleAudio/ika/psalms/049.mp3
150
49