Bukuit Ne Tilil 2020
|
| 1 |
| Epchi it ng’alekyuk, ee Jehovah, Ruchi kabwatutikyuk. |
| 2 |
| Kas ye atwegu arire, Laitoriandennyu ak ko Kamuktaindennyu: Amu inye ne asae. |
| 3 |
| Ee Jehovah, igase kutinnyu karon; Ak atetun saennyu karon, ak ageni. |
| 4 |
| Amu ma i Kamuktaindet ne ibaibaitune yaitio: Ama tebe oldang’ung’ yaitio. |
| 5 |
| Matonondos eng’ taing’ung’ menotik: Iweche tugul che yaei tengekto. |
| 6 |
| Ing’eme che mwaei lembechek: Wechei Jehovah chitab korotik ak ng’alindet. |
| 7 |
| Ago ane, anyone gong’ung’ eng’ chang’indab rireng’ung’ bo ge: Eng’ kaiyweisieng’ung’ agutunyi atokyinige hekalung’ung’ ne tilil. |
| 8 |
| Ee Jehovah, indoiywa eng’ imandang’ung’ amu che sapchina; Ilitit oreng’ung’ eng’ tainnyu. |
| 9 |
| Amu mami lititindo eng’ kutuswekwak; Tengek kityo mugulelwekwak: Kererit ne yatat mokwekwak; Lasei bich eng’ ng’elyebwekwak. |
| 10 |
| Iityi ichek tengekto, ee Kamuktaindet; Ingobutyo eng’ kiruogutikwak: On ichek eng’ chang’indab bistoenywa; Amu kiingeleljin. |
| 11 |
| Ago ingoboiboitu ichek tugul che imang’un, Ingotienso eng’ boiboindo ichek agoi, amu iribe ichek: Ingoboiboitu agichek eng’ inye che chamei kaineng’ung’. |
| 12 |
| Amu iberuri inye chitab imanda; Ee Jehovah, iyieme inendet chamnyeng’ung’ ko u eng’ torgochet. |
| Save Notes |
https://beblia.bible:81/BibleAudio/kalenjin/psalms/005.mp3
150
5